立場新聞 Stand News

粵劇特朗普觀後感

2019/4/14 — 9:16

英國 BBC 也有關於《粵劇特朗普》的專訪報道

英國 BBC 也有關於《粵劇特朗普》的專訪報道

今晚不帶一丁點期望去睇《粵劇特朗普》,全劇足足四個鐘頭,到場觀眾老餅與後生二分天下。劇情 Cult 到毫顛,雖掌聲不絕,但悶場也多。論藝術水平我不懂評價,但李居明謝幕時講明這個瘋狂創作,是希望吸引年輕人嘗試接觸粵劇,無可否認在這點上他是成功的。

有人負評說「粵劇特朗普,得不到分數」。
但對嘗試用創意帶來轉變的人,那怕做得不夠好,我都偏向鼓勵與支持。

所以,我決定填過首歌:

廣告

「 粵劇特朗普 癲得好啱數
佢決定派膠 跟現代同步
廣東戲劇鬼識你 也樂意 Follow

我決意撐他 必中伏也罷
我既然話撐悶極亦留下
九點卻做到一半 我願意等它

還看著你
看你在尋求新路
嘲笑你沒理 只挑戰自己

我太過想知你怎樣做
極難捱還是我無退路

有讚好 成場?仔讚好
唯婆婆不覺好 原來佢習慣她一套
從來沒有見過 咁多?仔 我知道
巴打絲打 都嚟陪襯 就助旺個 show

差 從傳統睇確差 仍然欣賞愛它
誰人會願創新一下 同情他說要變
為何粵劇很老 居明有努力我知道 」

*   *   *

廣告

後記(一):中場休息時,我去買嘢飲,聽到旁邊三位中年師奶嘅對話:

A 師奶:嘩,估唔到咁多?仔嚟睇。
B 師奶:我尋日睇咗,今晚睇第二次,我尋日隔離位坐咗三個?仔,不停拍手尖叫。
C 師奶:係囉,點解咁多後生仔睇嘅今次?
A 師奶:今次個劇情夠癲嘛。
B 師奶:癲?下半場仲癲啊,妳陣間就知。

後記(二):《粵劇特朗普》開場的文字介紹,提到創作意念受廖俠懷先生啟發。上網找了一下資料,這位廖先生原來是三四十年代的粵劇界名人,有「千面笑匠」之稱,在那個時代已創作出帶穿越概念的荒誕式搞笑粵劇,如《潘金蓮槍殺高力士》、《甘地會西施》等。這些作品雖然題材怪異,但卻有深刻寓意,如揭露當時社會問題,或宣傳民族主義等等。

當時的粵劇也在求變,有不少像《粵劇特朗普》這種東西兩溝的作品,例如粵劇拿破崙、粵劇羅賓漢、粵劇福爾摩斯、粵劇羅密歐與朱麗葉、以至粵劇魯濱遜。

今次的特朗普創作,只是李居明「毛澤東之虛雲三夢」的第二部,期望他的第三部,會有更驚人的 Crossover 意念。

我希望見到的包括:粵劇蒼井空、粵劇霍金、粵劇 Avenger、粵劇蠟筆小新、粵劇周潤發、粵劇李居明、粵劇 Hamilton、粵劇男兒當入樽。

發表意見