立場新聞 Stand News

致香港政府食物安全中心﹕Cosplay 你條毛

2020/7/30 — 21:36

朋友傳來「食物安全中心」一段影片,叫我「【Wash your hands👐🏻Wash your hands🎶】」。洗手咪洗手,有乜咁好睇?

唔睇由自可,一睇,嘩,原來涉嫌抄襲。話說日本 Johnny's 事務所 3 月時曾製作洗手歌「Wash Your Hands」,一度成為話題,Youtube 幾百萬 views,還有好多團體翻跳。

廣告

就算唔識咩叫 Johnny's,稍為比對兩片,都會知道「食物安全中心」抄襲。呢間嘢係香港正苦監察食物安全的機構,隸屬食物及衛生局的食物環境衞生署。堂堂政府機構,竟公然日本嘢,真係同您祖國作風一模一樣。

廣告

而更過份的是,有網民在帖下投訴,「食物安全中心」竟然扮 cutie,答﹕

其實片入面係我變身食安美男子cosplay日本男神呀😎!我見男神首歌咁貼題又咁受歡迎,諗住cosplay吓佢可以令更多人留意,令更多人記得洗手,注意個人衞生嘛!各位睇完都要記得Wash your hands👐🏻Wash your hands🎶,勤洗手呀!

大佬,唔識唔緊要,字唔好亂用。你知唔知咩叫 Cosplay?你條片係畫出來的,唔係人扮。Where is your costume? 再者,叫人洗手固然係合理目的,但目的合理係唔等於你可以用侵犯他人權利的手段。正如你想要香港安定繁榮,並唔係透過滅聲、透過侵犯人權來得到的。DQ 又係咁,連叫人洗手都做埋啲陰質嘢。

呢個就係香港正苦。

發表意見