英勇不是開槍，而是有槍，而你選擇不開

《舒特拉的名單》有一段﹕

納粹黨衛隊軍官 Amon Goeth 話﹕「我哋有權殺撚死佢哋，所以佢哋驚。」

舒特拉答﹕「嗰啲唔是權。權是我哋可以殺人，但我哋唔殺。」

舒特拉進一步解釋﹕

有人偷嘢，被人拉咗去皇帝面前。佢跪地，佢求饒。佢知佢就來死。但是，雖然呢條友好衰，但個皇帝仍選擇，寬恕佢、放過佢。

呢個，才是權。

尋日差佬開真槍，被質問為何開槍時，警方反說﹕

「你應該欣賞我地同事（警員）英勇！」

我假設你嗰吓真係覺得有危險（而唔係跌槍甚麼的）。

有危險，你開槍，有乜嘢咁英勇？？？

你打隻狗，隻狗都會咬返你啦，隻狗又係咪好英勇呢？？？

無奶油是吧。

真正的英勇是甚麼。

學舒特拉話齋，

真・英勇是，臨危不亂。

是就算真有危險，

但因為你知道開真槍後果好嚴重，

所以你選擇唔開。

正如真・權力，

是你見到有人跪地求饒，

你選擇，放過佢，

唔係一腳踢飛佢然推說是自然反應啊。

當年舒特拉對納粹講嘅一番話，

估唔到今日，要香港人對警察再講一次。