訪森記貓貓

問：森記究竟有幾多貓貓？

答：一共28隻喵～。

問：法官問依度有冇虐貓喎？

答：喵（吓）？依度我地話事嗰喎。個法官有冇嚟過依度喵？

問：警察有冇過嚟調查？

答：喵（冇），係咪想推低我地，再屈我地襲警呀？同法官講，叫七警過嚟調查！俾佢地見識吓貓爪功，「暗角抓鑊」佢地喵。

問：書咁多覺唔覺得迫？

答：老闆娘入每一本書，都經過我地摩挲，書就係我地嘅家。啲書老闆娘真係睇過架，好睇嘅，老闆娘都會貼住「好書」提醒大家，邊間連鎖店做到呀？依啲叫taste，叫詩禮傳家，你識條鐵呀？

問：。。。介唔介意影張相？

答：大膽！我地紆尊降貴先肯接受你條友訪問，唔買書，影完相就想走呀？嚟人呀喵！

問：奴才遵命，奴才立刻買書！

答：好啦今日心情唔錯，俾你影張喇喵。