立場新聞 Stand News

許鞍華紀錄片《好好拍電影》預告釋出 「我好忠於呢個地方,我想做一啲嘢」

2020/9/25 — 13:09

許鞍華,《好好拍電影》劇照

許鞍華,《好好拍電影》劇照

之前第 44 屆香港國際電影節因應疫情宣布取消所有節目,小妹有啲失落,後尾主辦單位公布部分片單後,就更失落,因為好多戲想睇,例如《親愛的房客》、意大利電影大師費里尼多部作品等,電影節取消,都唔知幾時可以係大螢幕睇到。但好在原為電影節開幕電影的《好好拍電影》已經定好 12 月 3 日上映,日前亦釋出正式預告片。許鞍華亦在紀錄片中提到,「我好忠於(香港)呢個地方,我想做一啲嘢」。

《好好拍電影》是知名電影美術指導文念中的首部執導作品,是一部關於許鞍華的紀錄片。小妹都幾鍾意許鞍華啲戲,無論 1979 年《瘋劫》,定係《投奔怒海》,當中對小人物嘅細膩刻畫,還有當中顯現出的時代關懷,令人動容又不至矯情。這次居然有一部紀錄片是拍許鞍華,小妹當然期待。

預告片開首就指出了「血腥女導演」、「一座寶山」、「少壯導演」等過去媒體對許鞍華的形容,當年電影處女作《瘋劫》一出便獲得大量關注。以為一舉成名、縱橫影壇多年後再成首位獲威尼斯影展終身成就獎的華人女導演,一定很囂張,出入都是專車接送?不,許鞍華被稱為「走路最多的導演」,預告片中除了她工作、走紅地毯的片段,亦見徑自漫遊香港街頭、逼港鐵的許鞍華。

廣告

《好好拍電影》又請來了陳果、蕭芳芳、徐克、侯孝賢等談談他們眼中的許鞍華,蕭芳芳認為許鞍華不單可由女性角度講故事,甚至呈現出一種另類風格,徐克說,「我覺得佢有意識講述我哋呢個年代需要提起嘅問題」。至於許鞍華自己則認為,「我覺得呢度(香港)好多故仔,好 attractive,我好 committed to 呢個地方,我想做一啲嘢」。

拍完《明月幾時有》、《第一爐香》後,許鞍華下一步會為香港做些什麼呢? 

廣告

 

 

發表意見