【試當真上九展】游學修演出後受訪:創作永遠游走灰色地帶 空間收窄「唔到我擔心」

YouTube 頻道《試當真》昨日(26 日)在九展舉行「一周年現場版」演出,主腦游學修在演出後稱,期望演出可以體現「可能性」,「呢個可能性係一個真正的勵志,希望俾到一個motivation所有觀眾」。

他表示,團隊 5 人在一年前沒有想過可以舉行演出,但當有人問「搞唔搞show」、一周年正日又有期,「咁試吓囉」。Locker 在旁稱,「勵志到可以拍電影」。

對於創作,游學修形容,「永遠係灰色地帶游走,衝出去又唔好玩,下下喺入面又唔好玩,係要彈出彈入去拿捏」。至於會否擔心香港創作空間收窄,游學修稱「唔到我擔心,我哋做啦」。岑珈其補充,「試啦,試當真,盡力做」。

有份創作《係咁先啦》隱喻移民現象的許賢,台上曾提到自己的姐姐移民,首場發言時更感觸落淚。演出後再被問及移民問題。他坦言,「我都唔知」,「朋友個個走哂,我係咪要走」,但就強調「我幾鍾意住香港」,對香港有留戀。

許賢在演出期間透露,曾因好友移民而哭。他解釋,當時壓力太大,亦聽聞同事或會在幾年內移民,感覺「所有嘢限期都係幾年,覺得呢件事好sad,諗唔通點先可以開心啲,就喊出嚟就開心啲」。他表示,眼見朋友都離開,觸發自己思考移民問題,「朋友個個走哂,我係咪要走」,又笑言「《係咁先啦》首歌寫得真係好」。

不過,被問到對香港有否留戀,他果斷表示「留」,「我幾鍾意住香港」,指以往在法國讀書,店舖在 7 時關門、7 時就尾班車,「而家香港有 N259」。

YouTube 頻道《試當真》昨日(26 日)在九展舉行「一周年現場版」演出,分日夜兩場,兩場均爆滿,共有約 6,000 名觀眾入場。在夜場的感言環節,創辦人之一的游學修表示,《試當真》的出現,「因為我嬲,我唔忿氣」,又說自己「覺得片唔係咁拍,人唔係咁捧,錢唔係咁搵」。他又問現場觀眾,「如果試當真拍電影嘅話,你睇唔睇呀?」獲觀眾以歡呼回應。(相關報道)

編輯推介

    發表意見