立場新聞 Stand News

逝世 17 年,張國榮暫列今年叱咤男歌手 12 強?準備「挑戰」MIRROR 三子?

2020/11/24 — 15:59

又到年尾,2020 年度叱咤樂壇流行榜頒獎典禮將於明年 1 月 1 日會展舉行,現正進行第一階段「我最喜愛的男、女歌手及組合」投票,觀眾票選最後 5 強可進入第二階段投票。其中「我最喜愛的男歌手」競爭激烈,截至今日中午,暫時名列 12 強的包括叱咤常客陳奕迅、唱作男歌手林家謙,當然亦唔少得有大批 fans、今年分別推出個人單曲的 MIRROR 成員姜濤、柳應廷(Jer)以及陳卓賢(Ian)。名單上仲有一個久違了的人名 — 張國榮,無錯就係已經離世 17 年的哥哥。

【❗🗳️叱咤投票速報】經過24小時嘅投票,叱咤樂壇我最喜愛的男歌手12強係邊個?即睇最新走勢! 叱咤樂壇我最喜愛的男歌手最後12強 (截至今日中午12時,排名依筆劃序)︰ 林家謙 姜濤 柳應廷 胡鴻鈞 張國榮 許廷鏗 陳卓賢 陳奕迅 陳柏宇 陳健安 麥浚龍 鄭中基 立即登入「叱咤投票站」https://bit.ly/32PJBFz ,投票力撐你喜歡嘅歌手,第1階段投票本週五 (27/11) 截止!

Posted by my903.com 商業電台 on Monday, 23 November 2020

你無睇錯,2020 年叱咤我最喜愛男歌手的入圍名單,真係包括已經離世 17 年的張國榮。話說今年環球唱片公司重製張國榮的經典名作,推出了專輯《REVISIT》,其中一首派台歌為《春夏秋冬A Balloon's Journey》,新版本由音樂人唐奕聰(Gary Tong)改編,用上昔日未有選用的錄音聲帶,讓哥哥的不朽傳奇再次賦予時代意義。

唐奕聰之前上商台節目受訪就話, 「第一個構思,都同Vivaldi(韋瓦第)嘅《四季》都有啲關係。開始做嗰個弦樂部分,首先會用四重奏,變咗個感覺,比較有少少感動……」

廣告

講返截至今日中午,我最喜愛的男歌手暫時最高票數的 12 強,有陳奕迅、陳健安、麥浚龍、陳柏宇、「暖男爸爸」鄭中基,而男子組合 MIRROR 仲包辦三席,包括姜濤、柳應廷、陳卓賢。他們三個今年分別推出個人單曲。

楊千嬅 12 強都未入到

廣告

仲有咩值得注意的男歌手?我諗好多人會推介林家謙。為陳奕迅新歌《致明日的舞》作曲的他,亦有入選「我最喜愛的男歌手」12強。林家謙曾為不同歌手寫歌,包括 JW王灝兒《矛盾一生》、容祖兒《心之科學》、林宥嘉《壞與更壞》等,去年開始走到幕前,陸續推出個人單曲《下一位前度》、《拼命無恙》、《一人之境》等。近期亦發布了單曲《特倫斯夢遊仙境》及《時光倒流一句話》。 

至於我最喜愛的女歌手暫時 12 強則包括:AGA、Gin Lee、Serrini、方皓玟、林二汶、陳蕾、謝安琪等。曾經八奪「我最喜愛女歌手」、下月開紅館演唱會(但據聞仲有飛)的楊千嬅,暫時連 12 強都入唔到 — 唔知點解呢?

而我最喜愛的組合暫時 12 強有 MIRROR、Dear Jane、ERROR、RubberBand、per se、Kolor 等。

叱咤樂壇我最喜愛的男、女歌手及組合第一階段投票將於11月27日結束,樂迷票選的最後五強將進入第二階段投票。官網投票喺呢度

發表意見