立場新聞 Stand News

「香港人分紅海」拼圖眾籌七日達標 預購繼續開放 超出金額用作支持本地失業青年

2020/4/24 — 14:09

大家仲記唔記得 6. 16 「200萬+1」反送中修例遊行,每有救護車出入,市民都會秒速讓路,遊行隊列有如「摩西分紅海」般開出車道?那畫面於網絡瘋傳後頓時感動世界,更獲不少外媒正面評價。當香港政府不斷柒出國際之時,港人就用行動告訴世界什麼是「真香港人」。

近日,本地設計公司THE CABINET在Kickstarter 發起眾籌,製作「真香港人拼圖」,尺寸為 38 x 53厘米,共500塊拼圖。拼圖正是 6.16 「摩西分紅海」的插畫,當中繪畫了逾八百多人,還畫了「民意在此」、「撤回惡法」、「奪回香港」等大家常在遊行見到的橫額。團隊僅用了七天時間,就籌得$11,190,超出達標金額近五千元。所需金額全部用於團隊和生產成本,超出的金額則用於支持本地大學生和年輕失業人士之工作機會。團隊強調,所有設計和生產都在香港進行,以支持本地經濟。

抗疫期間,日日在家無嘢玩,不如砌 puzzle 輕鬆下,就好似 THE CABINET 所言,娛樂之餘,「同時不忘初衷,記住我地既毅力!雖然大家分開,但係我地仲係凝聚一齊!」。雖然現在人人避疫為先,但大家都心裏有數,抗爭未完,蓄勢待發。 

廣告

雖然眾籌已達標,但如果大家仲想得到呢個真香港人 puzzle的話,5月14日前都仲可以預購~(預購連結在此)雖然小妹至今都未試過成功砌完一盒拼圖,但都有啲手痕想買返盒試下呢~

廣告

發表意見