【圖輯】荒廢17年嘅電氣化火車
無人之境 Abandoned HK2016/11/1 — 10:44
大家平時搭火車經過火炭站嘅時候，有冇留意到有一列第一代嘅黃頭電氣化火車停喺車廠入面呢？自從我幾年前知道佢嘅存在之後，我每次搭火車經過火炭都會留意下佢仲健唔健在，一直都好想入去一探呢架碩果僅存嘅黃頭火車。早排終於的起心肝用自己方式入去車廠為佢留影。
17年前嘅今日就係第一代黃頭電氣化火車最後一日載客，唔經唔覺17年過去，翻新左嘅佢好快亦都會退下火線。希望呢一列因意外而幸存嘅黃頭有朝一日可以被人修復重見天日，唔會被當成廢鐵消失於無形啦。
P.S 感謝K.H Ng 提供第一代電氣化火車榮休之旅相片