立場新聞 Stand News

中共湄公河起水壩搞到泰國旱災ㅤ香港人係時間幫返泰國手足啦

2020/4/15 — 22:48

資料圖片:湄公河

資料圖片:湄公河

早前中泰大戰,泰國網民利用創意擊退小粉紅,仲畀路透社報道今次是係「奶茶聯盟」嘅勝利 ,代表追求民主自由嘅泰國、台灣、香港三地共同對抗中共威權主義入侵。

好笑嘅係,大陸網軍成場網戰被串到一棟都無,搞到急急撤軍,官方就繼續厚面皮話今次事件係「個別雜音」,完全無提當初係大陸憤青攻擊泰國明星 Bright 在先,宜家連一句道歉無,相信會直接影響泰國社會對於中國嘅印象,尤其是年青一代。

話口未完,泰國宜家爆咗單 #StopMekongDam 事件,事關中共係湄公河上游起 11 座水壩,搞到下游嘅泰國、老撾、柬埔寨、越南嚴重旱災,當地媒體已經開始批評中國一方面扮係「超級大國」,另一方面殖民掠奪東南亞資源。

廣告

唔好睇少呢啲民間不滿,好有機會打亂中共個「一帶一路」嘅如意算盤,早前原來好親中嘅中亞國家吉爾吉斯,都因為民間好多不滿中國資本投資嘅集會,結果要緊急叫停一個 3 億美元嘅計劃。

Btw 宜家泰國手足有難,香港人係時幫返人啦 ,幫手推 post 之餘,可以順手加埋 Hashtag #StopMekongDam
#MilkTeaAlliance

廣告

 

作者 Facebook

發表意見