人在中環 - CK

人在中環 - CK

我係一隻又笨又固執嘅豺狼。著有《人在中年》。

2020/6/9 - 19:20

兩個惡棍打大交,搵到條罅生存已經好好

特朗普、習近平

特朗普、習近平

兩個惡棍喺度打交,你夾喺中間,然問我想邊個打贏?

大佬,現實啲講,邊個打贏你唔洗死嘅,你咪企邊面囉。講真,你冇得揀㗎喎。

佢哋唔打,你其實死梗。佢地打,你反而唔一定要死,睇結果同過程啦。不過重傷就應該係最低消費吧。

廣告

兩個惡棍都鍾意扮聖人,但好明顯兩個都唔係啦。你揀咗一邊企,其實真係唔洗拘泥自己是否企喺「正義」嘅一方。求生嘅時候,講正義唔正義都係 9 講嘅啫,勉強算係加強下彈藥咁解。之不過,現實係,即使兩個大佬都係死仆街,都總係有一個特別仆街啲嘅。

咁咩結果係最好呢?我都有 preference 嘅。不過,呢場交可能打幾十年,唔知我有冇咁長命可以睇到結果。如果打交過程當中,你可以搵到條罅,喺夾縫中生存,可能已經係眼前最好嘅情況。不過世事嘅嘢好難講嘅,兩個大佬打大交,有時可能益咗夾喺中間嘅二打六都未定。幾十年前唔係有班咁嘅人發咗達?樂觀啲做人會開心啲嘅。

眨眨眼就過咗一年。由一頂綠帽引發出嚟嘅蝴蝶效應,讓世人大開眼界。場交一日未打完,一日都唔知之後嘅世界會點。又或者,兩個惡棍喺你頭頂不停打交,keep 住未能明確分出勝負嘅狀態,將會成為長久嘅常態。風高浪急,最緊要都係保住條命。最怕自己唔夠命長,睇唔到心目中理想嘅結果出現。

 

(標題為編輯所擬)

作者 Facebook