立場新聞 Stand News

別忘了「奶茶同盟」的盟友 — 泰國

2020/10/15 — 21:51

2020年10月14日,泰國示威者在民主紀念碑廣場舉行集會,要求泰國總理巴育辭職,並呼籲改革現行的君主制。
Photo by LILLIAN SUWANRUMPHA/AFP via Getty Images

2020年10月14日,泰國示威者在民主紀念碑廣場舉行集會,要求泰國總理巴育辭職,並呼籲改革現行的君主制。
Photo by LILLIAN SUWANRUMPHA/AFP via Getty Images

香港人除咗將焦點放喺美國大選,記得要注意「奶茶同盟」嘅其中一員:泰國。

泰國由學生及民間發起咗大型嘅群眾示威,目標之一在於改革一直以來嘅泰國皇室。三年前繼任皇位的泰皇長年不在國內,喺疫情期間長居於德國酒店,「遙距」指點江山引起群眾不滿,導至憲政危機。人們質問長期居於外國嘅元首算唔算「流亡」?喺德國境內對泰國嘅召令仲係咪合憲合法?

泰皇近日回國,觸發起新一波大型示威運動,連日嚟民眾聚集,要推倒皇室之聲音不斷,昨日皇后車隊更被示威群眾包圍,及後泰國政府藉此喺 10 月 15 日清晨宣佈進入緊急狀態,禁止五人或以上集會,山雨欲來。

廣告

但政府禁令並無嚇走泰國人民,網民再號召圍堵曼谷主要交通幹道,今日喺 CentralWorld 附近就已經聚集咗過千名市民,喺馬路上和平靜坐,放工後預計會有更多市民參與,儼如香港 2019 年 6.12 的翻版。

一直以來,泰國皇室都係至高無上、受憲法保護下存在,連討論、批評皇室都會被控以重罪,泰國人民對皇室一向景仰有加;但係到咗今時今日泰國皇室已被年輕一輩喻為「泰國社會的寄生蟲」。泰國會唔會翻天覆地,改朝換代,仲要拭目以待,現任首相、兼任國防部長嘅巴育,與軍方、皇室之間三角關係千絲萬縷、耐人尋味,足以影響大局。無論結果如何,人民改革之聲傳遍世界已經係不可改變之事實。

廣告

世界潮流,浩浩蕩蕩,順之者倡,逆之者亡。

發表意見