立場新聞 Stand News

國際一定要清算「廢衛」

2020/3/13 — 22:22

圖片素材來源:網絡片段截圖

圖片素材來源:網絡片段截圖

Tom Hanks 都中招。今次大爆發,全球真係欠中國一聲「多 L 謝」。先係隱瞞疫情輸出病毒,呢個都預咗有哂經驗(至少香港人深明此理),最大鑊係原來佢已經買起咗世衛。

世衛講嗰套完全係中國式思維,唔知大家記唔記得,最初全世界都知病毒人傳人,香港已人心惶惶要求封關嘅時候,世衛仲要話係「有限度人傳人」,當時已經不明所以,咩叫有限度?睇種族定年紀?結果好快咪又係要認人傳人。

依家明明全球大流行,佢早兩日仲可以講呢啲叫做「可控大流行」,乜嘢叫「可控大流行」?我本來真係唔明,好似依家人人流行上 Netflix 睇《愛的迫降》,呢種流行點樣係可控?港女港媽愛上玄彬點可控?但諗真,喺中國大陸係得㗎喎,某種說法流唔流行全由國家所控,就算民眾抗議活動都係可控,例如鍾意就畀你出嚟反日衝擊日資,流行一星期突然由可以嚴控民眾活動,所有反日情緒回歸寧靜數以年計。呢啲咪叫「可控大流行」囉!

廣告

但病毒會聽你極權指揮嘅咩?你可控嘅話習近平唔會嚇到瀨尿,造訪武漢變咗造假武漢啦。過咗兩日,世衛咪又係死死地氣話依家真係大流行!

以上呢啲語言偽術,完全係「有中國特式嘅社會主義」那套路子!

廣告

最惹笑係,早排仲要搵個加拿大籍嘅鬼佬出嚟話:「如果我確診武漢肺炎,我最想去中國醫。」嘩,呢句嘢簡直同一個美加國民講「如果我要升學我會選擇北韓」一樣,直頭係藍屍傳媒先吹得出嚟嘅屁話,但大家都好清楚,身體最誠實,你呢條鬼佬如果真係確診,我批個頭落嚟都買你唔會去中國醫。但可以睇到,中共已經有能力培養呢啲高級五毛,遺禍全球。

還有配合中國主旋律,係咁大讚中國做得好,但就對佢隱瞞疫情隻字不提,典型大公文匯 HK 豬報嘅隱惡揚善、喪事當喜事辦的調子!

邊個黐埋中共邊個死,世衛變咗「有中國特式嘅世衛」,好自然立即變咗「廢衛」,而家搞到全球大爆發,國際社會點可能唔清算整頓呢個組織?

 

作者 Facebook

發表意見