立場新聞 Stand News

國際線要知! 美國民主共和兩黨「鬥黃」的機遇

2020/6/26 — 10:55

圖片來源:維基百科

圖片來源:維基百科

趁機會解釋一下美國政治響呢一刻發生緊咩事,因為日期好重要。

美國十一月大選,大選之前呢段時間有初選。唔止係總統有初選,連國會議員都一樣有初選。現任議會要連任,都一樣要過初選一關,唔一定自動就可以代表自己個黨出線。會去初選投票的選民,一般比較關心政治,於是又比較激。對於候選人來講,民主黨的自然會「鬥藍」,共和黨的自然會「鬥紅」。

現時美國政壇有個怪現象,就係侵在全國極為不受歡迎,但係就有一班死忠。對於共和黨議員嚟講就有一個兩難:表現得唔夠親近侵,初選出唔到線;表現得太過親近侵,大選會輸。而呢一刻之所以重要,係因為好多心入面好憎侵,只係表面上親侵的共和黨人,剛剛過咗初選(例如 Lindsey Graham,早兩日華郵有評論討論過呢點)。往後落嚟,會越來越多共和黨人公開和侵保持拒離,侵對共和黨的影響力亦都越嚟越細(事實多場初選中侵落力助選的候選人都輸咗,有眼睇的都知道之後要買邊一邊)。

廣告

呢堆嘢對香港有乜影響?

希望到今日大家已理解侵的中國政策幾無譜。一方面佢想表現出佢係強硬派,另一方面佢又好想同中國達成協議以顯示自己可以為選民帶來實利(佢眼中只要中國買多啲美國貨就為之「贏」,人權問題唔關佢事)。呢兩個要求使到佢一時又聲大大,但實際上又可以放軟手。

廣告

但係隨著國會議員連任競選同侵脫鈎,美對華的強度和對人權問題的重視可能反而變得可靠。連任競選不看侵,那當然就是看選民了。現時 2/3 美國人對中國反感,議員競選連任會推怎樣的法案和如何投票可想而之。例如最新的制裁法案就是民主黨提出,共和黨跟機,兩黨在「鬥黃」事業上互不落後。而且就算白宮要議員停手,現在議員們也可以不理,反而可以 veto-proof 地通過法案,到時侵簽名或不簽名也一樣會生效。所以,接下來國際線的游說重點,肯定是國會。

美國唔係一個人話晒事。這就是民主的好處。

作者 Facebook

(標題為編輯所擬)

發表意見