假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/11/8 - 15:19

如何比較彭斯同肥龐

美國國務卿蓬佩奧、美國副總統彭斯

美國國務卿蓬佩奧、美國副總統彭斯

好似有人問過點比較彭斯同肥龐(蓬佩奧,或譯龐貝奧)。

彭斯我都係支持唔落。根據各方消息,佢堅係耶L。link依位係前侵侵助手離任後在節目中話「如果彭斯做左,你會求侵侵返黎」「佢堅以為耶穌同佢講野」 “As bad as y’all think Trump is, you would be worried about Pence” "You would be begging for the days of Trump back if Pence became president. He’s extreme." "He thinks Jesus tells him to say things"(Mike Pence 'thinks Jesus tells him to say things', says former Trump aide Omarosa, The Independent)

維基亦顯示彭斯過往曾經支持禁止墮胎、批評用保險套、批評性教育、反對禁止性傾向歧視、支持用宗教理由可以豁免性傾向歧視、支持「性傾向治療」(俗稱拗直)、反對同性婚姻甚至同性伴侶制度、反移民、反對屬地主義 (在美國出世就係美國公民,不論父母係咪美國人)、不相信氣候暖化......

廣告

所以雖然佢唔係侵侵咁的大嘴巴,但都唔會係我支持得落的人。做副總統都算,總統就不了。

肥龐呢,大致上都係反對依類野,但似乎冇好 outspoken 同強烈的價值觀推動,可能只係跟黨大圍。不過有樣必須講係佢出身背景強過彭斯。肥龐係西點軍校畢業,做過軍人,退役後入讀哈佛法學院同畢業 (彭斯係印第安納大學法學院畢業) 。做眾議員時係加入情報委員會,亦做過中情局 (CIA) 局長,所以軍事、情報、外交方面佢都熟 (彭斯亦入過眾議院外交委員會)。

左媒就好多人批評肥龐係侵侵跟尾狗,cut budget、亂炒人、維護侵侵大嘴巴云云,但係做侵侵手下基本上唔係跟尾狗唔得,唔係的話即炒左,所以佢本人話到事的話可能作風又唔同。右媒就讚佢基本上係有能力同熟書。

所以在一個耶L,同一個雖然價值觀唔同但冇咁極端而且非常熟書的前軍人,之間揀的話,我揀肥龐啦。

作者 Patreon