立場新聞 Stand News

特朗普斷世衛水,譚德塞會有幾驚?

2020/4/15 — 23:20

特朗普、譚德塞

特朗普、譚德塞

特朗普終於決定斷咗世衛組織嘅米路,相信不少人會叫好。跟住落嚟就要睇會有咩變化。譚德塞會因此被迫辭職嗎?世界衛生組織會因而改組嗎?看來這個可能性很低。

從各種跡象看來,譚德塞根本就從強國得到了不少正式或者非正式嘅好處,才會領導世衛發展至現在這副德性。表面上美國仍然是世衛最大金主,雖然只係佔少於兩成經費,但已經好傷,仲要驚其他國家會跟。斷咗美國呢條水,整個世衛冇辦法在原有的財政安排下長期繼續有效運作,世衛會否壯士斷臂,犧牲譚德塞以換回美國的財政支持?一個比較正路的做法自然是如此。問題是如果譚德塞下台,過去幾年世衛組織的內部問題便會曝光,美國及世界各國亦都唔會就咁算數。特別是去年底出現武漢病毒傳播之後,譚德塞個人、其團隊及世衛組織高層與強國政府在枱底下有什麼協作,都會是疫情搞到全球陷於熔斷狀態的一些關鍵資料,這些都肯定是國際醜聞!

面對大外宣失敗,面對內憂外患,面對整個世界產業鏈可能於疫情後大規模重組,強國政府不可能再承受武漢病毒疫情醜聞曝光這個衝擊。因此,如果不能讓譚德塞下台,又不能現在就讓世衛改組,強國政府就只能啃咗佢。

廣告

如果譚德塞下台,以另一個強國屬意,又做得沒有那麼露骨的人接任領導世衛又得唔得?唔係冇可能,這就要視乎特朗普要達到什麼戰略目標!如果特朗普只係想對世衛小懲大戒,只係想強國承認對疫情擴散的責任,從而洗脫佢自己領導美國抗疫無能的責任,然後以推動經濟復甦來為自己爭取連任,可能呢個係對強國殺傷力最細嘅一種做法。侵侵亦都可以為隨後的中美貿易談判爭取對佢最有利嘅協議。對強國,這可能是最低消費!

不過現在看來,美國嘅疫情咁嚴重,死咁多人,這個可能性已經越嚟越細!更關鍵的問題係整個武漢肺炎造成嘅破壞可能仲未去到高峰,下一個最大嘅爆炸點會係非洲。以非洲的衛生基建及經濟水平,只要疫情喺非洲出現大規模擴散,一定會死得人多。今日的情況來看,這個可能性不能排除。一旦如此不幸,到時國際社會可以如何回應,要提供幾多資源去救援?肯定會係天文數字!而且又要承擔好多不確定嘅後果,例如疫症回流,或者犧牲不少自己國家內部嘅醫療精英與資源。所以面對這個潛在的爛攤子,好有可能就係咪搞我,留返俾強國自己去孭!

廣告

這一回強國人民很可能又要做冤大頭,世衛失去了美國的這條水喉,強國政府在不能讓世衛瓦解,又不能讓醜聞曝光的前提下,唯有啃咗佢。美國每年俾世衛那幾億美元,強國人民唯有光榮接棒!幾億美元事少,區區少數,強國咁富裕,仲孭得起。但一旦非洲疫情爆發,世衛如何籌旗去救援非洲才是大問題,到時強國人民係咪繼續硬啃,又可以啃到幾深?西方各國到時當然唔可能完全唔做嘢,但非洲已經係強國嘅殖民地,強國可以唔主力孭起那個可能會出現的無底深潭嗎?這一方面係道義問題,唔照顧窮鬼朋友點凸顯強國之高大。第二方面更重要的是強國多年來花盡了人力物力財力才建立起的國際戰略問題。還有第三方面就係疫情嘅原始責任歸屬問題,對於這個問題,身為非洲人的譚德塞知得最清楚。

所以睇嚟就算面對美國斷糧,譚德塞都未必會好驚。佢使乜驚,就算佢唔會係贏家,但係佢肯定不會是最大的輸家!

 

作者 Facebook

發表意見