假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/5/30 - 17:32

簡單總結侵侵宣布

美國總統特朗普(資料圖片,來源:美國白宮網站)

美國總統特朗普(資料圖片,來源:美國白宮網站)

一,非只對香港,係羅列哂中共所有衰嘢,如不信守國際承諾、貿易佔人便宜、搶美國人飯碗、發咗達仲扮發展中國家、在海域蝦蝦霸霸、隱瞞武漢肺炎、操控 WHO、搞香港。(兼搭單插一下民主黨)

二,強調美國唔係出師無名,係中共做壞手腳在先,美國只係要求公平公開、互惠互利(reciprocal)的關係

三,宣布一系列措施「郁」中共:終止與 WHO 關係、保衛美國科技、驅逐有安全隱患留學生、研究禁止中國企業到美國上市(順手批評華爾街見錢開眼)

廣告

四,對香港,係中共冇信守承諾,包括國際(中英聯合聲明)同對港人的(基本法)。事件對香港、中國、甚至世界都係悲劇(tragedy)。香港曾經係自由同繁榮的社會,係自由世界的橋頭堡(bastion of liberty)

五,可惜中共一再侵害香港自治,香港已淪為一國一制,不再有足夠自治是值得美國給予同大陸不同的待遇

六,未來政策調整範圍係全方位,唔只係關稅同貿易,仲有司法合作(如引渡)、科技輸送、旅遊同出入境等,並會制裁損害香港自主的中港官員。行動會是強而有力(actions will be strong and meaningful)

七,侵侵一向係唔鍾意講政策細節,所以我個人雖然對冇實質制裁細節有啲失望,但可能都唔應該意外。重點係侵侵近乎係向中共宣戰,對中只會更硬唔會放軟,所以大家可以等吓,遲啲各部門實會有制裁細節出爐,而且範圍可能比大家諗的更廣。同埋制裁官員理由係「損害香港自主」,即係任何事都可以制裁,唔只搞國安法

最後,侵侵提到 “people of HK feel proud of their Chinese heritage and unique Hong Kong identity... (there was) world optimism that Hong Kong was a glimpse of China’s future, not that Hong Kong would be a reflection of China’s past.” 顯示美方對情況掌握得比中共更好,明白香港人的身份認同問題同逐漸轉變,同埋承認國際過往對中共係太過樂觀,依家必須摒棄幻想,由實際出發看待中共問題。ps 侵侵冇再提要同大陸做 deal

 

作者 Medium