假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/11/9 - 16:58

【美國大選】係咪睇埋法院判決先講?

美國總統特朗普(資料圖片,來源:美國白宮網站)

美國總統特朗普(資料圖片,來源:美國白宮網站)

好多人話睇埋法院判決先講。可能大家聽太多咩 2000 年係法官判布殊做總統。講咗幾次唔應該咁簡單化。現實係,唔好對法院可以扭轉選舉結果有咁大期望。(所以依家好多共和黨人都唔出聲)

當年係佛州一個月內重點咗 N 次票,點極都係布殊贏幾百票,法院就話,點夠啦!就用依個結果啦!而當時布殊拎埋佛州剛剛好夠選舉人票,所以就簡化成法院令布殊當選。

當然中間拗咗好多嘢,如選票設計(你可以搵返啲相,嗰張選票真係痴 M 筋咁複雜的)、票站安排、重點方式……但重點係,個差距係咪細到值得重點,同埋重點幾多次。法院只係為重點定下原則同限期,限期到就用嗰個數。由於點極都係布殊贏,法院係冇改變到選舉結果的。而每次重點,改變的票數都只係幾百票上下,講緊 out of 580 萬票,重點可以改變的票數係非常有限。只不過布殊贏緊都係得幾百票,所以民主黨一路唔放棄,希望再重點後又改變到幾百票就可以打低布殊。

廣告

依家睇落拜登有望比所需贏多 2 至 3 個州。每個州贏的幅度都有幾千至幾萬票。除非真係證明到有好大範圍、系統性造假,推翻成場選舉,否則只係靠重點選票,法院判決令拜登贏變侵侵贏,機會係微乎其微。

 

(標題為編輯所擬)

作者 Facebook