假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/12/12 - 15:11

Greta Thunberg, who are you?

好老實,我一早都凝住 Greta Thunberg 係西方自由派傳媒造神造偶像所造成的現象,唔係因為今次《時代》雜誌年度人物我先咁講,之前香港人拎唔到諾貝爾獎我都冇鬧得獎嗰個埃塞俄比亞總理。

一個學生女突然間上到聯合國大會鬧世界領袖,其實冇人覺得件事有景轟咩?睇返 Wiki 佢之所以得到傳媒關注,因為佢係本國瑞典搞罷課同向國會抗議喎,咁黃之鋒都勇過佢 N 倍啦吓話?簡單講,就係一眾西方自由派傳媒要為環保界造個新的偶像踩吓自己國家班政客囉,就好似黃之鋒都做咗西媒中的港人偶像,周庭就做咗日媒女神,不過香港始終太敏感,Greta Thunberg 就齋鬧西方政客對自由派而言非常政治正確,咪擺上佢神檯上到上聯合國囉。

唔知有冇睇到依篇新聞,佢向聯合國提出投訴,指五個國家因為做唔好環保措施而違反兒童權利公約。邊五國?德國、法國、土耳其、巴西、阿根廷。真係摸不著頭腦,講唔做好環保,同埋違反兒童權利,大把國家更加需要鬧啩。冇嘅,德法容易蝦,土巴阿就三國領導人都係西方左膠眼中釘,呀嘛。好多人都指出過,從來冇聽過 Greta Thunberg 鬧中國格。

廣告

見過有人將佢同馬拉拉比較。嗱,馬拉拉我就真係覺得抵拎獎,而且唔係時代雜誌係真係諾貝爾獎,因為佢真係搵條命搏㗎大佬。同埋嗰篇比較有個 point 我都覺得啱。馬拉拉成個 message 係好 positive 的,大家一齊努力,互相幫助,做好件事佢啦咁。Greta Thunberg 就齋鬧,而且覺得自己鬧人好理所當然咁。講真當日聽到佢聯合國鬧「how dare you」單新聞,我第一個反應係,who are you?

 

(標題為編輯所擬)

作者 Facebook