立場新聞 Stand News

【武漢肺炎】記者提「武肺」遭新聞主任糾正:可簡稱新冠病毒 曾傳林鄭下令禁「污名化」

2020/12/18 — 17:52

早前有消息指,行政長官林鄭月娥「下令」,禁止記者在記者會提問時以「武漢肺炎」字眼提問,更指不服從可能被趕離會場。今日(18 日)在衞生署簡介疫情記者會上,《蘋果日報》記者問到,一位死者「係跌死,定係因武肺而死」,隨即被主持記者會的衞生署新聞主任「提醒」,著記者「喺發問時可以簡稱為新冠病毒」。《立場》記者再追問新聞主任的理據,對方拒絕回應,僅稱「之後再討論」、「同疫情無關」。

早前《蘋果》專欄李八方指,政圈流傳風聲,林鄭月娥要求各部門新聞主任,禁止記者以「武漢肺炎」字眼提問,若記者不遵從,可能被禁止提問甚至趕走。當時政府發言人回覆《立場》查詢指「妥善命名很重要」,因此「需要提醒出席採訪政府活動的傳媒代表,留意在提問時的表述,不要污名化」。

消息傳出多日後,今日終於首次有記者「被開刀」。《蘋果》記者問到一名離世者的情況時,提問「知唔知(死者)死因…係跌死,定係因為武肺死亡?」台上代表作答後,主持記者會的新聞主任插話:「剛才發問嗰位記者朋友,我想提一提你,世界衞生組織已經將新病毒命名為『2019 冠狀病毒病』,麻煩大家喺發問可以簡稱為新冠病毒,多謝你留意番」。

廣告

《立場》記者追問 新聞主任圖提早結束記者會

新聞主任的說法引起在場多名記者不滿,《立場》記者追問,「唔畀用武漢肺炎發問,係犯咗邊條法例?係唔係限制記者發問?如果我哋繼續用武漢肺炎,你係咪會趕我哋離場,或者唔畀我哋再發問?」

廣告

《立場》記者其後再追問,「如果我哋唔用武漢肺炎,用『武漢發現的新冠病毒』、『中國爆發的新冠病毒』,係咪都會唔畀問?如果用德國麻疹,係咪都要正名番做風疹?」

惟新聞主任拒絕解釋,僅指「字眼問題之後再講」、「無關疫情」,更表示「如果無同疫情相關嘅問題,今日記者會結束…」,企圖中斷記者會;之後有其他記者提出有關疫情問題,記者會才繼續進行,但新聞主任未有再回應「字眼」問題。

發表意見