立場新聞 Stand News

【上山搜證】點解「行山抗疫」都覺得周身唔聚財?

2020/2/25 — 16:22

圖片素材來源:綠惜地球 Facebook 圖片

圖片素材來源:綠惜地球 Facebook 圖片

有市民報稱話近日行完山之後總覺得周身唔聚財,質疑「行山抗疫」嘅成效,於是今日我哋派咗法證嘅同事,呀,唔係,係綠惜地球嘅同事,上咗近日旺過旺角嘅獅子山郊野公園一帶搜證,結果發現大量以下可疑物品,令行山抗疫活動有機會反效果變成傳播病菌嘅場所!

呢批物品包括:

物證一:口罩

廣告

今日 8 公里路程,我哋發現咗四十幾個隨地棄置嘅口罩,車輛可達的山路、郊野公園入口係重災區!係人都知口罩充滿著口水,亂咁掉,仲唔係散播細菌?

廣告

物證二:紙巾

天呀,短短 8 公里路程,我哋響山徑邊執到近 800 張用過嘅紙巾!紙巾通常用來抹鼻涕、抹咀,屬於個人衛生垃圾,一樣帶滿細菌,大家唔該唔該唔該唔好通山亂掉啦!

小水坑上的十多張紙巾

小水坑上的十多張紙巾

物證三:煙盒及煙頭

噚晚馬鞍山又發生大型山火,煙頭係其中一個山火危機,希望大家上山食少支煙,留返個健康嘅肺用來抵抗肺炎!

物證四:果皮/廚餘

麻煩大家唔好再藉口話呢啲可以自然分解。一塊橙皮可以長達兩年先完成分解,一個蘋果芯又會吸引烏蠅、昆蟲及細菌,未分解就已經搞到成個山都污糟邋遢!個個都係咁亂掉,邊仲會有乾淨嘅環境比大家行山?唔該衛生啲,自己帶落山啦!

今日發現多個休息位置有橙皮、粟米芯

今日發現多個休息位置有橙皮、粟米芯

物證五:膠樽 & 塑膠食物包裝

塑膠為禍係人都知,你掉響山坡,幾百年都分解唔到,動物又會執去舔,你自己反省下啦!

打卡位就最污糟邋遢 !乾淨啲,打卡都放心啲啦~

打卡位就最污糟邋遢 !乾淨啲,打卡都放心啲啦~

感謝義工同行,沿途仲不斷向遊人宣傳自己垃圾自己帶走

感謝義工同行,沿途仲不斷向遊人宣傳自己垃圾自己帶走

好多垃圾俾風吹咗落山坡,撿拾非常困難

好多垃圾俾風吹咗落山坡,撿拾非常困難

口罩好輕,俾風一吹就吹咗上山坡

口罩好輕,俾風一吹就吹咗上山坡

車輛可達之處、郊野公園出入口係垃圾重災區

車輛可達之處、郊野公園出入口係垃圾重災區

山坡下仲有好多膠樽同垃圾,太危險,清理唔到啦 ?

山坡下仲有好多膠樽同垃圾,太危險,清理唔到啦 ?

休憩亭旁邊嘅斜坡,又係垃圾重災區

休憩亭旁邊嘅斜坡,又係垃圾重災區

???

???

義工們已將望夫石附近嘅垃圾清掉,唔知可以維持幾耐呢?

義工們已將望夫石附近嘅垃圾清掉,唔知可以維持幾耐呢?

差點漏了呢幅,衷心多謝呢段時間密密手幫大家執手尾的一班前線人員 ????‍♀️

差點漏了呢幅,衷心多謝呢段時間密密手幫大家執手尾的一班前線人員 ????‍♀️

後記:

1. 感謝今日幾位義工捱義氣同行,幫手將執到 22kg 嘅垃圾一齊搬落山,送去垃圾站銷毀,響呢個緊張時勢都咁有義氣,多謝佢哋 ?!

2. 今日我哋都撞到唔少行山人士自發上山執垃圾,仲有漁護署叔叔同食環阿姨密密執,辛苦哂大家,不過最希望都係每個人自律、文明、自己垃圾自己帶走啦!????

3. 除咗帶走垃圾,醫生都有講,防止新冠狀病毒人傳人,最好就係相隔 6 個階磚的距離,行山想安心除低口罩,最好唔好一窩峰去逼爆幾條行山路線啦!

 

#抗疫行山都要醒目啲
#愛惜你同我嘅後花園

(標題為編輯所擬)

綠惜地球 Facebook

發表意見