立場新聞 Stand News

《乜代宗師》深圳拍攝遭質疑 黃子華:自掏腰包賣樓拍戲 非合拍片 只想拍畀香港人睇

2020/1/12 — 19:13

圖片素材來源:黃子華 facebook 片段截圖

圖片素材來源:黃子華 facebook 片段截圖

有網民發起罷睇「紅色」賀歲片,藝人黃子華自編自導自演、自掏腰包的電影《乜代宗師》,受網民非議,原因是有指影片為了製作人員的人工問題,而改在深圳取景。黃子華今日在 facebook 拍片解釋,自己賣了一層樓拍戲,他承認戲中部分場景在深圳拍攝,因成本較低,但強調這部電影非合拍片,「這部戲完全只是想拍畀香港人睇,一套香港嘅電影,點解要唔揀合拍片,因為我係想自由自在拍戲,無論題材、表達手法,我唔想有人去 censor 我。」

黃子華指出,從新聞得悉有指他收了數百萬片酬,以致成本不足,《乜代宗師》最終要返內地拍攝。他承認,的確有「剝削」台前幕後的工作人員,「叫所有人收平一些」,但他自己身兼導演、編劇,分毫也未有收取,「唔單止一毫子都無收,真實的情況是賣樓拍這套戲。」

他說,「這套戲非合拍片,第一拍的心態已經是這套戲,係完全只是想拍畀香港人睇,一套香港嘅電影,點解要唔揀合拍片,因為我係想自由自在拍戲,無論題材、表達手法,我唔想有人去 censor 我,應該點樣點樣拍,想自由自在忠於我嘅 concept 拍出來。」他形容,「(《乜代宗師》)係香港人投資,香港人賣樓,拍一套剩係畀香港人睇嘅戲。」

廣告

黃子華指出,自己對電影翻本並無信心,「無信心,是輸少當贏…以我套戲的 budget ,係無可能返本,我甚至無想層樓可以返嚟,但有無可能返間房,甚至廁所呢?就算只是返水龍頭,我都係預咗,但我可以自由自在拍。」

黃子華指出,自己多年無做導演,「我問好熟行的監制,我賣咗樓,在香港可以拍幾多日?佢話 15 日,但我套戲需要 50 日。」

廣告

除了錢以外,另一原因需要大廠房,「如果要在香港拍,我唔單止要賣呢個單位,仲要賣我住緊個單位。」他指出,自己只能做到質素最好,「全行都認為我呢個傻佬,賣咗層樓,90 幾% 無得翻盤,我希望講返真實情況畀大家聽,睇唔睇,唔係好緊要。」

發表意見