黃宇軒 (Sampson)

黃宇軒 (Sampson)

英國曼徹斯特大學地理系博士,香港土生土長的城市研究者、藝術家及獨立策展人。

2020/3/29 - 15:07

我地每一個人,其實有咩共同而又最基本嘅需要?

現在咁樣嘅時刻,好令人忽然感受到,作為活在一個社群中嘅人類、我地每一個人,其實有咩共同而又最基本嘅需要:

【房屋】
- 所以住屋唔應該係投機炒賣嘅商品,人人都應該有瓦遮頭。純粹因為擁有土地而收租獲利,忽然變得唔太合理。

【飲食】
- 一個社群自己應該要有生產力,去回應呢度所有人吃喝嘅需要。

【健康】
- 醫療資源、衛生同清潔嘅環境、做運動嘅時間同空間、清潔既空氣食水等...大家都會認同,絕非奢侈品。

【親人、朋友、愛人】
- 即使無得見面都好,人有同他人連結同埋對話嘅渴望,亦需要日常生活中有時間咁做。

【新聞】
- 世界越混亂,我地越想得到真確資訊。

【文化、娛樂、學習】
- 原來悶可以殺死人,而美妙嘅文化產物,可解悶、可學習、亦可撫慰人心,我地有娛樂同知性嘅需要。

【電腦、網絡 & 相關設備】
- 無呢D,就同好多上述提到嘅資源絕緣了。而且要將人組織起黎,在呢個時代,都好依賴相關技術。

【空間】
- 原來我地好有going out的需要,想移動、想步行、想係屋企之外、我地共同分享嘅環境中活動。

(當然,仲有好多最基礎嘅建設同日常物件,人先可以過到基本舒適的生活)

咁樣諗落去,會進一步諗到,或者,所謂嘅「工作」、所謂嘅「國家」、所謂嘅「生活」,還原基本步,本來就只係想將所有人組織起來、人人都生產上述呢d野嘅其中一點、平等咁互相為呢個社群提供上述嘅野。一人提供一點,等人人都可安穩地過活、得到最基本嘅幸福。

社群生活、community嘅初衷、人生「意義」嘅初衷,可能只係參與咁樣互相合作嘅過程?

作者facebook

原文無題,題為編輯所擬

廣告