Trial and Error Lab 製圖

【做人如繡花,慢慢嚟唔好急?】三位新進繡花線工藝師,限時繡雀大行動

【文 + 編導:Gi】

粵語話人做嘢慢,會嘲笑道:「你繡花呀!」的確,呢個源自古代嘅手作工藝繡花要花上好多時間,絕對唔急得。

講到刺繡,主角就當然係繡花線。全綿製作嘅繡花線,色彩千變萬化,柔軟順滑;佢哋唔單止可以用嚟繡花,原來更可以有唔同用途?

繡花線工藝之辛酸

是故我哋請嚟三位用繡花線做手作嘅 Trial and Error Lab Fellows,Ryann @ Basket of stuff.、Carrie @ My Fancy Handmade、Helen @ The Dreamcatcher 捕夢者-香港手作小店,分享各種繡花線工藝,並且當中不為人知嘅辛酸 — 原來唔單止繡到眼盲、手腕勞損,甚至要發掘新奇工具先有理想效果,真係一針一線都有血有淚。

三種繡花工藝齊合作

而三位新進繡花線工藝師,更挑戰喺 45 分鐘內,以各自擅長嘅「刺繡」、「鈎織」同「編織」三種工藝,合作完成一幅充滿春夏氣息嘅雀仔手作「黃眉姬鶲捕夢網」。究竟點樣「唔駛急,最緊要快」咁做?三位工藝師又能夠各自發揮所長,卻和諧合作,發揮和而不同嘅效果嗎?即刻去片〜

P.S. 黃眉姬鶲小知識

拍攝期間正值春天,正正就係黃眉姬鶲過完冬,路過香港兼補給嘅時侯。話咁快已經嚟到盛夏,相信佢已經順利抵達東北亞(例如日本)準備繁殖下一代;如今唯有借呢幅「黃眉姬鶲捕夢網」,睹物思姬鶲 😊

編輯推介

    發表意見