立場新聞 Stand News

全民造星III 決賽 揮不了的遺憾

2020/12/30 — 13:44

《全民造星3》台前幕後(圖片來源:彭秀慧 fb)

《全民造星3》台前幕後(圖片來源:彭秀慧 fb)

【文: GW】

全民造星III 終於曲終人散,很久沒有和朋友熱烈討論電視節目,甚至是追星追參賽者的地步(筆者支持爆璇/迷雲黨,請勿見怪)。到了三十歲的年紀,看著不少比自己年輕的人追夢,也別有一番感覺。節目中呈現的真實、熱血也是鮮有能在香港看到。在整個節目從起初到高潮的推進,不少亮點和經典注定會為觀眾留下記憶印記。可是,在決賽當晚的不少的要點,卻令人不吐不快。

首先,整個決賽編排實在太趕。由 8 點半到 11 點,一直是走馬看花之作,每一個表演接著一個表演沒有停下來的機會,連評判也鮮有機會評價參賽者。如果十強的表演太趕急,為何不把最後決賽定為 5 強 / 6 強,表演者不用喘著氣同強尼對答,也是對他們的尊重,或索性提早半小時開演。評判也能整理思緒和感受,或提出對每個表演的意見。要知道平日全民造星錄影版,評判的評價也是一大看點! 觀眾係睇一半表演,一半評判嫁。

廣告

其次,喺拍攝角度同音響上都好大不足。整晚拍攝角度奇怪,有時打側、有時低抄,影跳舞竟然影半身都夠膽。朋友話睇到頭都側埋。非常可惜節目沒有展現出好看的角度,要知道做一個合家歡時段的大 show,係會有好多平時唔睇呢個節目的觀眾(特別係較年長的一群)都會襯熱鬧,佢地基本對 viutv 的印象可能就由呢幾個鐘去決定。好明顯,呢一方面係唔合格。音響就更加喺 50 強出場的時候有失誤。

再次,由於沒有現場觀眾無互動感,個人好強烈建議搵一個女主持夾強尼。強尼其實佢能力範圍內都做晒,但喺現有環境欠缺氣氛的情況下,主持互動就更加重要。講緊係一個一年一度的大 show 同決賽場合,只有一個主持,無現場觀眾,就算強尼氣場幾咁強大執生能力幾咁高,都無法改變空洞感好重的事實。呢一樣都係做成節目比較悶的成因。

廣告

此外,決賽的評判我認為有更好的選擇,或作出更好的指導。王菀之無問題,做到平日的評判應讚應彈,理性同藝術感並重。Stephy 都可以合格,get 到要點做。另外兩位就相對比下去,仲好似同平日節目風格同節奏脫節,一個一味讚兼超浮誇演繹,另一個我真係唔識講,節目組好應該 guide 下比佢地知道其實評判伙半個節目主角,或在人選上更小心選擇。各觀眾睇緊果陣應該好掛住牙醫同 Joyce。

點解完左咁耐仲打咁大篇野,只係想唔好浪費左一個咁好的場合同節目應有的高峰。其實好多時 final 做 Live,表演者都會因為緊張而打左折扣,基本上演唱部分每個參賽者都有瑕疵。如果節目 setup 同鋪排上唔係呢 D 硬件上做得更好,只會令到個 show 更打折扣。這一屆全民造星III 的高潮,觀眾會在 youtube 重溫在分組賽時黑魔法的生動、我們的 BL 演繹、true color 的團結感、看完給十年後的我由感性帶來的震撼。但是,決賽就不了。

 

發表意見