立場新聞 Stand News

【又抗爭又抗疫】網民二創賀年歌迎新春

2020/1/24 — 17:41

「防暴到 防暴到 黑警多恐怖~ 防暴話 防暴話 冧把不透露~」今個農曆年仲唱《財神到》就out了!依家要唱《防暴到》先應節!

2019,港人係抗爭中過聖誕,有網民二創「黑色聖誕medley2019」,將一系列經典聖誕歌重新填詞。嚟到農曆新年,五大訴求未成功爭取,香港人又要齊齊抗疫,但小妹相信自己人!團結唔會被打沉!另為大家蒐羅咗幾首二創賀年歌! 

首先有 YouTuber 晴天林日前上傳了改編自《財神到》的《防暴到》,連登巴絲改詞、晴天林演唱。歌詞過癮得嚟又啱音!周街防暴、郁啲就射催淚彈,財神都popo嚇走曬啦!「防暴到 防暴到 黑警多恐怖~ 防暴話 防暴話 冧把不透露·防暴到 防暴到 好走快兩步~一俾佢睇到你 你變暴徒~~」頭幾句已經道出市民心聲,分分鐘一家三口出門拜年,就捉住你話你涉嫌非法集結。

廣告

但揭示警察荒謬外,新春歌點都要留個盼望嘅!《防暴到》中唱到:「還望各位書友 百業成就(有成就) 日子再艱苦 抗共同舟(共同舟) 光復香港好嗎 享受自由  大眾慶香港 革命成功」、「願香港可以 不再愁眉 同路有吉星照 百事無忌 共相約煲底 脫下頭盔 吸下新鮮空氣 歡暢揚眉」希望鼠年香港成功重光!

廣告

除咗抗爭主題賀年歌外,仲有抗疫歌!集眾連登巴絲之力,改編汪阿姐、鄭少秋嘅《歡樂年年》歌詞,一變武漢肺炎歌! 「武漢鑼鼓響一遍 聲稱無肺炎 再去食下蝙蝠宴 個個樂綿綿 化灰聲 棺木聲 響遍閻府殿 齊聲恭祝你 有個新肺炎 蜂蛹蜢蚱 共歡慶 竹鼠刺蝟 共歡讌 年年都食 福壽延綿」其實小妹一直都唔明內地人嘅口味,究竟點樣先會食得落蝙蝠、穿山甲呢?

各位香港人抗爭未完,又要抗疫,但政府繼續成碌木咁!港人苦中作樂之餘,亦要做好預防措施啊!出門記得戴口罩啊~! 

 

 

發表意見