立場新聞 Stand News

【史上最強蛋糕包裝】習大大與忠犬譚德塞毀滅地球的故事

2020/4/28 — 12:45

呢條「OOOO 巧克力蛋糕」一定要買,蛋糕好唔好食其次,淨係包裝已經冇得輸。啱曬我呢個最愛看圖說故事嘅大叔。

某日天朗氣清,妖怪習大大(照鏡就會現真身,變成習維尼)帶住忠犬「譚德塞」去海邊散步。眼見一班練習緊爬龍舟嘅年輕人有型靚仔過自己,習大大妒忌他人美貌,於是偷偷地係褲袋攞咗支武漢肺炎病毒劑,倒入海。污染水源,一秒搞掂。班後生仔望住呢個肥大叔唔知倒啲咩落海,勁冇公德心,內心咒罵一番:TMD、CNM...但少年太年輕了,以為個啲只係普通污水,但其實係超級病毒,已經搞到全球確診人數破 300 萬,以下一個中招嘅就係你地呢班正值花樣年華嘅年輕人。 

大家有所不知,呢位習大大其實係個慣犯,滿手鮮血,殺死咗無數人,死者就葬咗係海的另一邊,嗰度有一片墳墓,香港、民主、Dr. Lee 全部死係呢隻妖怪手上。有人試圖揭發、指證習大大,最終只會落得「坦克人」嘅下場。一句講曬,一係就收錢噤聲,一係就死。忠犬「譚德塞」侍奉習大大多年,已經喪失埋吠嘅本能,淨係識得搖頭擺尾。

廣告

一個包裝,引發無窮想像,唔知大家又會點樣理解呢幅插畫呢?呢個由台灣甜品店「黯潮甜點事務所」推出嘅朱古力蛋糕,仲未公開全名,交畀網民估下先(提示:四個中文字)。

圖片來源:黯潮甜點事務所Facebook

圖片來源:黯潮甜點事務所Facebook

廣告

圖片來源:黯潮甜點事務所Facebook

圖片來源:黯潮甜點事務所Facebook

圖片來源:黯潮甜點事務所 Facebook

圖片來源:黯潮甜點事務所 Facebook

發表意見