立場新聞 Stand News

國際學校 + 在家教育,有冇得諗?

2020/9/6 — 9:53

資料圖片,來源:Freepik

資料圖片,來源:Freepik

【文:溫小蘋】

疫情第三度爆發,我對香港是否能夠八月復課並不樂觀,一眾家長可能又要開始有定心理準備繼續homeschooling,其實香港已經算係咁,學校停課會安排zoom 遙距教學,停課不停學。回想半年前,我在台灣喺屋企湊住三件,對 homeschooling毫無頭緒,不停上網搵資訊,又唔想小朋友學習fall behind,可說是壓力相當的大。

如今經歷了六個月的在家自學,雖稱不上專家卻有些心得分享給大家作參考, 尤其對打算BNO移民的家長來說不妨看看,皆因無意間發現網上有不少討論區的家長都對英國所用的syllabus存有疑惑,又擔心小朋友過到英國不適應,想早一些替他們作些準備,那麼相信我用過這些網上資源會有機會幫上大家。有看過我文章的朋友都會知道我們一家來台之前小朋友是一直就讀 British International School,所以即使在家自學亦會全套跟足英國的國家課程。

廣告

Twinkl

呢個網站係我最愛更在我最迷惘的時候拯救了我,網上有大量不同Key Stage 嘅教材,給了我相當多的指引,覆蓋科目亦比較全面,除咗基本英文數學同Science亦會有 History,Geography,Computing,Art and Design,Design and Technology,Second Language,Music 同 PSHE。

廣告

National Curriculum 講求因材施教,所以同一份comprehension worksheet都會有三個唔同level嘅version 畀你哋去練習,仲有assessment paper可以download畀你測試下小朋友嘅程度去到邊,係目前唔少國際學校鍾意用嘅教材網之一,而所有教材傾向簡單易明嘅方向,圖文並茂較易理解,值得推薦!

IXL

同樣是National Curriculum的數學和英文網上練習,十分環保,如果做錯會有清晰解釋說明,啱又會有獎勵送你網上豬仔儲齊一套十分好玩,由Reception到Year 13嘅exercise都有,會再細分唔skill topic畀你做練習,家長亦可喺佢哋嘅分析報告度睇到小朋友每星期用咗幾多時間去做幾多條練習,題目分怖,平均對錯百分比及邊一方面需要加強練習。當訓練達到某一個level,又會畀一啲獎勵性嘅證書,對小朋友嚟講無疑係一大鼓勵。我屋企Kasey就最鍾意收到佢哋嘅certificate email award。呢個website用嚟畀小朋友 kill time好過打機。

Hamilton Trust

呢個網站係一個喺倫敦做緊小學教師嘅朋友介紹,佢話佢同佢啲同事好鍾意用呢個網站嘅教材去計劃一年嘅課程,基本上除咗英數Science仲會有Topic,熟悉UK Curriculum嘅朋友都會知道其實所謂topic就係指History,Geography 呢啲科目只不過係由老師自行決定嗰一年想重點教啲乜嘢。

我個人就覺得呢個網站唔係太啱我呢啲半途出家在家充當老師嘅家長用,一來 英文有好多都要買書配合,大部分嘅書係可以喺Amazon搵到,但由於外國封關亦寄唔到過嚟台灣;二來我覺得整個system Pro咗少少,即使我對英國體制略有了解都覺得好深,可能如果你本身個職業係教職員會好些。

My Online Schooling

其實homeschooling真係唔好玩,因為唔係淨係畀啲作業佢哋做咁簡單,又要講又要教又要備課,有啲仲要玩實驗,仲要執屋煮飯冇姐姐,心力少啲都會死。 有見及此梗係要搵人幫手,所以我就搵到呢間My online schooling。

有英國同澳洲兩個online campus,視乎你申報地址去決定你係邊一間campus嘅老師授課,但有一點大家要注意番,由於佢哋係Live用zoom上堂,香港嘅朋友你報咗有機會只能睇recording 因為澳洲同香港嘅時差不是太大,而正常白天小朋友係香港要返學,咁如果想谷得小朋友勁啲跟英國時間上Live,就要一開始搵個英國地址做registration,否則不接受任何理由轉campus。呢個係我親身經驗嘅分享。

課程由Key stage 2 Year 4 開始由core subject cover 到一些如Literacy 或Numeracy Support 的additional subjects 都有,而一直到Year 13可以揀IGCSE, A Levels 或IALS。

雖然只是virtual school,但學校都會搞一些唔同的club,例如coding club。每星期仲會有Assembly以及一些不同的society event來維繫網上同學的交流。其實在家自學其中一大難題就係小朋友的社交圈,如何與人相處也是成長重要的一課,呢一種virtual support小朋友會覺得沒有那麼單打獨鬥。My online schooling的創立並非因為疫情,而是考慮到世界各地都有家庭因relocate影響小朋友上課又或是小朋友在學校遇上被bully的情況,所以即使是採用Live教授,小朋友都可以選擇唔開鏡頭露面。同正常返學一樣會有功課有考試,小朋友遇到唔明可以随時message老師,再唔係可以睇返recording溫故知新,基本上每一堂老師都會錄低,條片一般會keep一個學期,隨時可以上網睇返。

返咗兩個Term,只有接觸過Key Stage 2,感覺程度不算太深是接觸英國體制的入門版。

Harrow Online

由著名英國首相邱吉爾爵士母校 — 哈羅公學一手打造,淨係聽個名唔打得都嚇得,不過真心嗰句,名不虛傳係有實力的,而且收費合理CP值高,計落條數比係香港搵國際學校的老師來家教重要平成倍,一對一的課程, ,老師好用心,針對學術性想學好英文,不論Oral會話 Literacy, Writing,Reading學科的不二之選.報名嘅時候可以選擇嘅心儀嘅老師,然後Admin會同你夾時間上網,面對面用Adobe Connect上堂,課程比較針對性,明顯可以睇到學生進步。

Speech Blubs

由於我有一個小朋友有speech delay的問題,所以我發掘了這個Apps。

每天花十分鐘的訓練盡量糾正佢哋發音嘅基礎,程式設計是由小朋友示範發音標準,會同你哋一齊做嘴唇練習又有唔同公仔嘅獎勵,所以BB很易受落。

台灣同英國一樣可以接受在家自學,但都需要定期交報告畀政府去證明你個小朋友喺屋企有認真學習,唔係掛住打機,到適當年齡亦需要參加公開考試才得以進入大學。

(原文刊於橙新聞,作者授權轉載。)

發表意見