立場新聞 Stand News

【多圖】全民抗疫齊戴罩(包括尿尿小童)

2020/3/27 — 16:41

網絡圖片

網絡圖片

新型冠狀病毒肺炎席捲全球,目前已經有超過 176 個國家或地區錄得確診個案,染病人數突破 50 萬,死亡病例近 25,000 宗。全人類抗疫,不再只是洗手、洗手、洗手,或者 1:99 就可以解決,大家外出時更必須戴上口罩,避免飛沫傳播,交叉感染。

咁你又有無諗起長年駐足於公共空間的「尿尿小童」同「無畏女孩」呢?

無錯!正所謂「惻隱之心,人皆有之」,你要口罩,佢哋都要口罩!多情的人類見到人形雕塑有腳走不動,疫情嚴重仍然要拋頭露面,純粹出於同情,送個罩俾佢旁身。美國紐約交易廣場外的「無畏女孩」口罩 get!比利時布魯塞爾的「尿尿小童」仲打扮到好似外科醫生咁,包埋頭。

廣告
廣告

愛心無邊際,人和動物都是大自然的一份子,我們應當相親相愛,愛人如己。特別是,香港有愛犬相約傳出「確診」個案,動物雕塑都要好好保護。蘇格蘭愛丁堡的忠犬巴比像,以及英國波士頓大眾花園入面的《讓路給小鴨子》都已經獲分發口罩。其中鴨子由於嘴巴形狀較長,人們更自製長型布口罩,貼心地為動物朋友準備。

這不是任何藝術家發起的創意行動,而是普通市民自發的小心意。出於同情,效果窩心。雕塑通常立於當眼處,幫雕塑戴口罩其實也正好發揮衛生宣傳的效果。遙想當年「中大之戰」,學生為圖書館內的錢穆像「上 gear」;今次抗疫,唔知有無人幫上環的「孫中山」戴返個罩呢?

發表意見