立場新聞 Stand News

《女人必學 100 道菜》?! Seriously, TVB?

2020/7/27 — 11:02

<女人必學100道菜>

<女人必學100道菜>

【文:Ellen L.】

唔想俾人標籤我做女權分子,因為我唔係。So I won’t say this is “wrong”, but “un”耳係真。 

Quote: 香港女廚王- 三姐同江美儀主持《女人必學100道菜》…若要嫁得好 先要煮得好! 

廣告

Seriously ?!?! 

Interesting. 《女人必學100道菜》,會唔會性別定型得太緊要?女人就係負責買餸煮飯,男人放工返嚟就食係咪?就算唔討論男女平等,都唔符合今日香港現實啦下話?幾多情侶夫婦兩個都工作,點解會覺得女人就係負責煮飯呢?咁講唔止對女人唔公道,對於會幫手分擔家中大小事(包括煮飯)嘅男人都好唔公道啦下話? 

廣告

我有睇真啲係咪自己get錯。可能佢嘅訊息唔係我諗咁呢?點知佢又真係宣傳度補多句「若要嫁得好 先要煮得好」。係咪女人煮飯呢,前文已經質疑左,再諗下煮得好同嫁得好有冇關係,um,係連我呀媽都唔會咁諗!喺呢個結唔結婚都係個人選擇嘅社會,呢句真心 “un” 耳。

有一下係覺得香港好落後,有啲可悲。換轉係黑人牙膏唔用得黑人宣傳嘅美國,可能呢套節目俾人嘈到要改名或下架。歐美都唔係話好完美既,仍然有性別定型(People Still Believe Women Belong in the Kitchen and Men Belong at the Office)。但呢啲話題慢慢會變成 common sense,唔會有咁炒車嘅節目名出街,我估。 

咁嘅性別定型對男人都冇好處,我個仔如果第時想學煮嘢,係咪要俾同學笑乸型、「女人先學煮嘢食」?諗起都起雞皮!!呢啲思想仲要 perpetuate 幾耐啊? 

為左人類文明進步,對性別議題敏感少少好冇?

p.s. 個節目名叫《人人必學100道菜》咪得囉 

p.s. 利申:(應該)會結婚,鍾意煮嘢食俾另一半 

作者網誌

發表意見