立場新聞 Stand News

好好問症

2021/3/10 — 16:37

作者 Facebook 圖片

作者 Facebook 圖片

「你幾點開始穿水?」
「岀街食飯嗰陣 feel 到。」
……「即係幾點?」
「食晚飯之後。」
……「咁即係……你幾點食晚飯?」

對醫護人員來說,徵狀什麼時候開始是非常重要的資訊。如果可以的話,盡量還是提供比較客觀的資料,例如是實際日期時間~

「你呢排係屋企篤手指驗血糖讀數幾多?」
「都係同平時一樣。」
……「即係平時讀數大概幾多?」
「都好正常嘅。」
……「正常即係低過七?八?九?」
「我唔記得喇。」
……「你篤完手塡有無紀錄落本簿度?」
「有啊,但係我無帶返嚟。」

廣告

同樣,無論是血壓還是血糖,病人對「何謂正常」有不同的解讀。為免發生誤會,還是白紙黑字記錄下實際讀數最好。如果可以在覆診或入院時,把平時所作的記錄帶給醫護人員參考就更好了~

「最近有無幫 BB 照超聲波?」
「有啊!」
「幾多號或者幾多週照?」
「唔記得喇!」
……「咁有無報告或者片?」
「有啊,但係無帶嚟喔!」
……「咁醫生講咗啲咩?BB 大小有無問題?胎盤低唔低?頭仔係咪向下?胎水有無問題?」
「唔知喔!」
……「好啦,唔緊要啦。」

廣告

既然花費金錢去了私家醫生做檢查,如果可以的話不妨記下醫生的說話,之後到其他醫生 / 公立醫院求醫時都可幫助醫護人員更清晰知道自己病情,避免重複做同樣的檢查。如果有報告或照片,也請好好保管,到入院時可以交予醫護人員作參考,以免岀現誤會~

好好地問症(history taking)是作出診斷的第一步,也往往是最重要的一步。醫生有責任問精準易明的問題,引導病人說出自己的病情;不過病人如果能熟悉自己的病情並清楚回答問題,也能協助醫生事半功倍地儘快作出診斷,減少誤會。 ☺️

 

(標題為編輯所擬)

作者 Facebook

發表意見