立場新聞 Stand News

【如果看著我不妨遠一點】你睇到咩啊?日本報章廣告暗藏玄機為大家抗疫打氣

2020/5/6 — 18:15

有密集恐懼症嘅各位,見到以下呢幅圖,可能會感到不適。但忍一忍,行遠少少睇,就會發現當中暗藏玄機。

這其實是日本報章《岐阜新聞》的廣告,乍看之下就係一堆密密麻麻的圓形擠在一齊,睇到黑人問號。但神奇的是要發生了,大家請企後兩米,再望一望,你會發現廣告中的黑色部份,其實可以組成一句日文「離れていても 心はひとつ」,中文即「即使分離,心是連在一起」。大玩視覺錯覺,同時為持續抗疫好幾個月的人們打氣加油,係咪好sweet呢!加上要行遠啲先睇到呢個信息,也提醒了各位記得保持社交距離。網民大讚設計一流、有心思! 

廣告

保持社交距離,齊抗疫,保護自己,也保護他人。各地民間的呼籲手法更是層出不窮,小妹最記得月前巴西M記,不惜改logo,將經典黃色 M 字,切開一半,原本難離難捨的 M 字,面對武漢肺炎疫情,也只好暫時分開,變成兩道拱門,中間隔了條鴻溝,仲要落多句金句「分開片刻,是為了永遠在一起」。

在家避疫的日子苦悶,不妨這些小心思能為大家添幾分樂趣。

廣告

(分開片刻,是為了永遠在一起)

(分開片刻,是為了永遠在一起)

發表意見