立場新聞 Stand News

富豪雪糕

2020/12/20 — 16:56

作者提供

作者提供

【文:王君豪 BorisWong】

「DoDoMiSoSo⋯⋯」大家有冇聽過藍色多瑙河,會唔會覺得個旋律好熟悉,或者係邊度聽過呢,作為香港人嘅你一定聽過甚至唔陌生,冇錯就係富豪雪糕車嘅音樂,富豪雪糕係香港人嘅集體回憶亦都好受香港人歡迎,軟雪糕、蓮花杯、珍寶橙杯......

富豪雪糕車,作為一個香港人你應該有見過,一架紅白藍色嘅雪糕車,車身標明美味雪糕每日新鮮為你製造,車上所買嘅嘢咁多年都冇改過 — 除咗價錢,呢個亦都係富豪雪糕車咁多年來嘅獨特之處。不過聽屋企人講,原來以前富豪雪糕車係有雪糕小姐㗎,真係略有所聞....

廣告

假日總會係一啲鬧市地方見到佢,想起小時候,同屋企人去街,當喺附近聽到呢個旋律嘅音樂就整個人不自覺地去尋找雪糕車,點都會叫屋企人比我買雪糕,又滑又棉又重雲呢拿香味,呢一種味道簡直係難以取替,每一次都食得好滋味!到而家大個同朋友一齊食嘅時候,有陣時都掛住同屋企人嘅回憶片段,想起想當年,覺得自己成長左唔少,開始懷緬細個童真嘅時候。

作者提供

作者提供

廣告

唔知道大家有冇發現,富豪雪糕車嘅雪糕只係得壹種味,就係雲呢拿,但其實有一次同屋企人去食嘅時候發現咗係一個神奇嘅點,原來係新年嘅時候會轉成士多啤梨味紅色,唔知大家有冇試過呢?我自己個人感覺就覺得唔錯,但係都鍾意原味多~

睇戲就睇得多,但係唔知係咪真係啦,有啲人會特登去租架雪糕車玩下,去享受嗰種嘅童年回憶,諗起都好似好正咁,希望總有一日都可以租番架嚟玩下啦!仲有聽聞如果去參觀富豪雪糕廠仲可以上車試吓唧雪糕添,真係想去體驗下!

依家香港,只係剩返14架嘅富豪雪糕車係全港九新界,呢個係香港人嘅集體回憶,希望大家將回憶能夠懷念之餘同時亦都好好珍惜可以好好保存,呢一行都有機會好快就嚟式微,保留着呢一個嘅靈魂。隨着時代發展,有好多文化,唔少童年美食都俾人淡忘,冇人去繼承。就算而家有好多嘅美食,都唔會做出以前那種味道!!!!

作者簡介: 王君豪 Boris Wong,一名生於亂世的香港人

圖片來源

發表意見