立場新聞 Stand News

【打機必殺技】韓國電競玩家一句「Free HK」 中國玩家秒關遊戲

2020/7/31 — 12:23

阿叔呢排日日屈係屋企得閒冇嘢做,就會打下機,打發時間。可能年紀大,冇乜火,又反應遲鈍,淨係打死眼前怪物,已經用曬阿叔啲精力了。唔似啲後生,仲有餘力鬧交,但南韓呢位電競選手真係高招,阿叔甘拜下風。今次真係超人「十字死光」都要讓路,因為我有!香港重光!! 銀牙!!!

事緣日前中國《英雄聯盟》(League of Legends)隊伍「RNG」退役電競選手劉世宇(Mlxg)同南韓玩家直播打機,點知兩個人開始冇耐已經開始對罵,首先係南韓玩家話Mlxg揀咗個冇用角色,然後開始嘲諷「走開,醜陋的中國人」。Mlxg 當然不甘示弱,回罵「你媽死了」、「我是你爹」等極具中國特色嘅羞辱詞語,雙方就在互罵中結束了這句遊戲。

點知冤家路窄,新局開始,兩人又遇上了,但今次呢位南韓玩家有備而來,直接以「Free Hong Kong」問候。香港重光!問你死未!Mlxg 嚇到即刻將對話框移出直播畫面、秒關遊戲。都係玩個遊戲姐,洗唔洗咁驚啊,何況又唔係你講 Free Hong Kong,相信係黨嘅監視下嘅你係唔會有事嘅!

廣告

聽聞當時唔少睇緊直播嘅中國網民都呆一呆,但回過神後馬上砲轟南韓玩家做法嘔心,話「下次就說North Korea is only Korea!」「應該回他朝鮮終將統一!」。

嗱,阿叔今次真係學到嘢,學識「Free Hong Kong」呢招打機必殺技,實冇得輸啦! 

廣告

相關報道:自由時報蘋果日報

發表意見