東京網民出 GAME 玩「保持社交距離」 一周百萬點擊
Maralio2020/4/20 — 15:53
密です截圖
武漢肺炎肆虐，各地政府叫人保持社交距離。或者你會覺得保持社交距離好悶，但東京呢位網民就玩到無嘢好玩，以 SOCIAL DINSTANCING 整咗隻 GAME。
遊戲好簡單，主角（英文版﹕特朗普、日文版﹕小池百合子）向前行，身邊有個圈圈「絕對領域」，前面有好多戴口罩的人，佢哋進入咗你個「絕對領域」就會扣一個口罩，扣完五個口罩就算輸。而避開他們的唯一方法，就是按 MOUSE，按一下，這些人就會彈開。隨著遊戲難度愈高，這些人愈蠱惑，會主動行入你個圈，而你個圈圈亦會擴大。玩到後面更會有安倍晉三送兩隻口罩畀你。祝你好運。
遊戲作者係日本網民 Gunjo Chikin。唔好睇小隻遊戲，根據網上資料，過去七日有百萬人點擊過來玩。如果唔想食動森炒價，可以玩呢隻頂頂癮。