AC

AC

立場 Green 、科學版編輯,閑時鐘意飲飲食食。

2020/5/14 - 14:13

【燈籠滷味】疫情下要懷緬台灣味道的人要入來!

疫情似無限期延續。去旅行,就算是「近在咫尺」的台灣,都似是世上最遠距離,短期內是不可能的了。

興幸身處香港這個福地,各國美食也能吃到(最多食完跑多啲、舉多兩吓啞鈴),台灣美食更比比皆是。

這家燈籠滷味是來自台灣師大夜市,就算比不上原店風味,也至少令你止一止旅行癮。

廣告

我沒吃過原店,但以台式食肆來說,食物味道水準絕對可以收貨。滷肉飯豬肉肥肉不多,不會太油膩,醬汁也調得剛好,絕非只是男人的浪漫,女士吃也可以的。

重點的車仔麵是滷汁湯底,說是車仔麵其實湯少更似營多撈麵。湯底由台灣總店直送,含桂皮、花椒、甘草等十數種中藥,香、濃、味道層次分明,喝下去順喉回甘,更帶滷味肉香,不得了!最緊要是夠大份,兩個人分著吃也可能吃不完。

配料選了花枝丸、大豆皮、雞腎與高麗菜(椰菜),花枝丸不算特別,大豆皮與椰菜吸了湯汁風味佳,雞腎滷得入味,要挑剔的話是有點硬實。另外台灣地道「王子麵」貌似大光麵,但掛汁能力還不錯,可試試。

額外點的台灣腸就是台灣腸味毋須多說,黑糖珍珠奶茶,太多奶味茶味冇掟企,啱唔啱味要大家自行考慮了。

車仔麵 HKD51

台式香蒜腸 HKD26

滷肉飯 HKD28

黑糖珍珠奶茶 HKD24

性價比:3.7/5

好食:3.8/5

衛生:3.6/5

燈籠滷味

地址:銅鑼灣登龍街 39 號地下

電話:25812233

營業時間:星期一至日 12:00-22:00

原刊於作者 Instragram