AC

AC

立場 Green 、科學版編輯,閑時鐘意飲飲食食。

2020/3/12 - 13:33

【燒邦】隱世黃色燒烤小店 好食到癲咗

武漢肺炎在全球擴散,無得去旅行,大家又無可能咁乖留在家中,要消費當然要去黃店!

本來想私心不介紹燒邦這家隱世黃色燒烤小店,但真的太好食、老闆又是一個「癡線佬」,所以值得講吓。

廣告

人稱邦哥的老闆,形容自己癡線,雖然無乜錢賺,每日都親身到香港仔搵最新鮮的海鮮,幾年前自立門戶開店,掉低剛出世嘅仔,日做 19 小時,全因太愛煮嘢食。

邦哥又指,食材新鮮也要認真對待食材,才可煮出好食的菜餚。

的確,海鮮看得出選材有心機。爽口蟶子皇配蒜蓉蟹籽天衣無縫,比很多高級餐廳的更優勝。大瀨尿蝦爆膏,稍微下些鹽巴吊味,已是無得彈。

最令全場(連隔離枱)食指大動的是燒特大花竹蝦三味,蝦頭椒鹽炸、蝦身用上湯煮,再配煎過的米粉。米粉稍微燶了點,但配上湯獻汁真的不得了掩過瑕疵,蝦身同樣有膏又非常爽脆鮮甜。

蝦頭不是位位都懂食,可這個必須要學懂吃。椒鹽炸這個煮法將蝦膏甘香發揮得淋漓盡致,撈米粉吃又是另一重風味,這道菜真的要說多次不得了!

邦哥煮完兩枱餸從廚房出來休息,又指多謝大家錯愛,在座各位都是朋友。雖然在這個時刻比較辛苦,他都希望大家繼續憑良心做事,才可一起捱過疫症。

記住請預先訂位,因為地方真的豆潤咁細,另外亦要同邦哥講定你想食啲乜海鮮,否則 walk in 可能叫乜無乜啊。

牛舌一般,叫海鮮吃吧!

牛舌一般,叫海鮮吃吧!

有黃店請歡迎通知,等我試個龍與鳳,和理非地共建黃色經濟圈。總之大家加油!

所有海鮮 時價

牛舌 HKD38

時菜 HKD70

性價比:3.8/5

好食:4.2/5

衛生:3.5/5

燒邦

地址:天后電氣道 74-78 號金基大廈地下 3B 舖

電話:96626831

營業時間:星期一至日 18:00–02:00

原刊於作者 Instagram