葉朗程

葉朗程

一個自稱「IFC 張智霖」的 private banker,一個又一個浪漫與惡俗的中環故事。 www.facebook.com/marcusyiphk

2020/6/7 - 11:17

現在要人跪低 記得說普通話

匯豐銀行

匯豐銀行

位於匯豐總行六樓,是其中一個客戶理財中心,類似 HSBC Premier 那種,但開戶門檻稍為再高一點,叫做 HSBC Jade。

有什麼分別?大致上一樣,裝修靚少少,咖啡不用自己沖,有人會幫你沖埋。

門檻有幾高?大概是港幣七百萬左右。

廣告

可能因為自己以前服務的客戶,開個七千萬美金戶口都不過是一般貨色,所以我絕對認為港幣七百萬也只是一個普通得不能再普通的客戶。

但呢個世界上,好多人覺得有少少錢已經好威,所以在這些理財中心,不難見到一些無理取鬧的客人。

中午時分,有個短褲阿叔,來回踱步一陣,開始沉不住氣,不斷用英文說,點解我擺咁多錢喺度都要我等咁耐,點解要搵個咁低級嘅人招呼我,點解呢度啲冷氣仲熱過我企喺出面。

一聽就知英文根本不是那位阿叔的母語,但都算講得有板有眼,一輪嘴冇停過。

之後,有位經理走出來,樣子斯斯文文。那位經理唔開口猶自可,一開口,阿叔面都青埋,因為經理那口真的是純正到不得了的 Queen’s English,好不性感。

阿叔的氣勢,瞬間滑落,還開始有點口吃,最後竟然還對經理說了句 thank you very much。

看到這一幕,真是有點感觸。無論那位阿叔是藍是黃,他流露著的,正正是回歸前的殖民地「氣質」:即是以為一講英文,人哋就會跪低怕咗你,然後遇到個英文比你好嘅,就即刻跪低怕咗人。

阿叔,你好像不太熟悉國情呢。

現在要人跪低,尤其是身在匯豐這種「國企」,記得說普通話。

作者 Facebook

(標題為編輯所擬)