立場新聞 Stand News

看 ViuTV 宣傳片有感

2020/4/12 — 14:19

【文: 張在森】

假如你係一個「真香港人」,假如你有睇過 ViuTV 開台四周年的形像宣傳片 (Image Promo),相信你都會同我一樣睇到毛管戙。

電視台宣傳片一般人不會太留意,但作為過來人,作為一個前創作人,我會好關注。一直相信傳媒有社會責任,而宣傳片創作往往要審時度勢,回應時代,俾觀眾感受到你同佢同呼同吸一樣的空氣。

早前大台播出一系列由藝員做運動,充滿動感的抗疫/逆宣傳片。平心而論,無論從拍攝、剪接看,都屬高水準之作。然而,大台始終係大台,有其框框及局限,創作人就算再有想法亦難以言志。

ViuTV 呢條宣傳片,絕對係另一個層次,它所呈現的不是一種廉價的正能量,而是這個時代的香港精神!我第一時間想到的是一個德文字 Zeitgeist…時代精神。講真,今日香港面對的困局豈止是一場疫症,捱得過疫症,也捱不過暴政……這才是我們無可迴避的現實,而當媒體敢於面對現實,受眾才會認同,覺得你講人話,啱channel!

廢話少講,為了尊重創作人,且將文案一字一句,筆錄如下,以作致敬:

「環山環海嘅香港,點會冇風浪
以前一個浪冚埋嚟,一代人一齊捱過去
而家一個浪冚埋嚟,一代人一齊衝過去
前面風雲色變
我哋帶住一座山嘅精神,爬上浪尖
有人話睇唔到未來,但我地揀中呢個時代
我哋一直等風,做最强後浪
ViuTV,2016 年生
我哋係 Generation Alpha
風雲時代,生來偉大」

反送中以來,香港人面對前所未有的大風大浪。從前遇風浪,香港人會訴諸所謂獅子山精神,「同舟人誓相隨」。自政權及建制派濫用挪用,「獅子山精神」早已變成陳腔濫調,無法充份承載今日香港的集體意識,而上述宣傳片的文案卻準確地捉緊這一代真香港人的精神狀態。

文案指,上一代人遇風浪,只得認命,咬緊牙關「捱過去」。這一代人遇風浪,卻不認命,一齊「衝過去」。單單這兩句,就已經勾起過去十個月一幅幅波瀾壯闊的畫面。接著說,儘管「前面風雲色變」,「睇唔到未來」,這一代人卻願意背負「一座山嘅精神爬上浪尖」。那承擔,那重量,豈能不叫人動容!在我看來,整份文案,活脫就是「生於亂世,有種責任」的變奏。

最後,宣告自己是 Generation Alpha,除非創作人生安白造……否則,恕我上綱上線過度解讀,Alpha 是希臘文第一個字母,英文用 Alpha 帶有「第一」、「起源」之意,其義甚深。聖經啟示錄 22 章 13 節中「神說:我是阿拉法,我是歐米伽」(I am the Alpha and the Omega),大有由我始由我終開天闢地之勢。幾十年來,我們一直自稱「香港人」,但老實說命運共同體的強烈意識,只在過去十個月的慘痛經歷裡才慢慢建立起來。作為形像宣傳片,指涉的固然首先是電視台的台慶,但說 Generation Alpha,今時今日真香港人讀來,難免會誤讀會有聯想!

 
廣告
廣告

發表意見