2020/9/4 - 13:03

西多的領悟

圖片來源：avlxyz from (optional), flickr, CC BY SA 2.0, https://bit.ly/3lQBmkn

吃了一頓快餐，竟然有治療作用。

知唔知元朗出名食乜？

今天參觀朋友在元朗的新居，之後想一起吃點東西，問她知不知道元朗出名吃什麼，她不知道，我當然也不知道，但依稀記得好似有間食牛丸幾出名，唔記得叫乜名。

果然，上網搵「元朗牛丸」，就即刻見到「勝利牛丸」。係佢喇，勝利牛丸。

同朋友去到勝利牛丸，五六點冇乜人。去到茶記最鍾意就係同茶記姐姐吹水，於是明知答案都問了一句，「點呀姐姐，有咩推介」。

來到勝利牛丸，便當然是吃勝利牛丸了，問都多餘。

但姐姐的答案嚇了我一跳。

「西多啦。」

抬頭一望，牆上的餐牌被「西多士」三個字洗了版，列出是各種不同味道的西多士。

我們叫了兩客西多，而恐防有詐，也保險地叫了一客牛丸。

明白為什麼這頓飯有治療作用嗎？

世事難料，有邊個會估到，走入勝利牛丸，姐姐推介畀你嘅竟然唔係牛丸而係西多？

世事難料，又有邊個會估到，勝利牛丸嘅西多原來真係比勝利牛丸更出眾？

現在人人都說之後會點點點，係，我同意。

但我們仍在這裏，同踏著這片土地。

因為在那層潛意識裏，我們都在等待那道世事難料的曙光。