梁浩恩

梁浩恩

政治系畢業,輕度 Asperger 患者,喜歡下國際象棋,讀書和寫作,健身和游泳。

2019/3/20 - 17:47

踢雞雞

資料圖片,來源:Pakutaso

資料圖片,來源:Pakutaso

話說一路以來我都努力嘗試多教女生下棋,侄女也是對象之一。本來還以為她只是口裡說說而不是真的有興趣,怎料她由二年級問到四年級,加上媽媽的態度有所軟化,於是便在這年開始教她。這天上課後一起和侄女、表姐夫一起吃飯,聊起她有沒有喜歡的男生之類。

沒想到現在的小學生的問題還挺複雜。

侄女:「無呀,你唔好再問啦,如果唔係我話俾媽咪聽㗎啦。」

廣告

表姐夫:「係呀,你都唔知佢呀媽呢方面幾緊張,上次你教完佢點撩男仔講嘢之後,佢鬧到我死咁滯。」

我:「你依家唔同男仔玩,大個就俾男仔玩㗎啦,你真係一個男仔都唔鐘意?」

侄女:「無呀,不過有一個男仔特別煩囉,我同佢幼稚園就識,一路都話鐘意我到依家四年級,但係佢成日都會摸女仔嘅私人部位。」

我心想,色魔原來細細個都已經有樣可以睇,十多前年當我還在讀慈幼小學時,好像也沒有聽過這類東西,不過慈幼是男校而且當年同志平權意識不高,所以不太鼓吹這種風氣亦沒有這種機會。原來現在的小學生在四年級已經會主動性騷擾女同學,而侄女居然(誤)也會遇上這類問題。

侄女:「所以我成日都會主動話俾老師聽告佢,佢咪有啲唔鐘意我囉,但係又會成日試下搞我。佢成日都話,其實係嗰啲女仔引誘佢在先喎。」

表姐夫:「其實生仔生女各有各好,生女當然就會少少嬌嗲爸爸,但係同時又會好擔心佢之後會唔會俾男仔搞。生仔就唔同,你想出去點威咪點威囉,都唔使擔心。」果然英雄所見略同,我也怕生女,但前提是你先要有個老婆,而要有老婆前提是你先要有個女朋友。

我:「所以呢個故事就教你記得要努力讀書,之後大個咗有錢既話,如果你想摸邊個男仔嘅話都可以任你摸㗎啦,知道未呀。」侄女差點從另一邊卡位跑過來我那邊要打我,一邊大喊:「你講乜嘢話〜〜」表姐夫和我對了對眼笑了笑,而另一邊一手拉著她的衣領,她屬於那種很容易激動的小朋友。

我:「總而言之,有時就算你話俾老師聽都可能會太遲,所以做女仔嘅話都要識得保護自己,如果有男仔要摸你嘅話,你好直接咁踢佢雞雞就得㗎啦。」

侄女:「乜嘢話〜〜?踢佢嗰度〜〜?」

我:「你等得老師嚟就俾人摸咗㗎啦,做女仔不論係咩男仔侵犯你都好,總之就要踢佢雞雞,最容易又最快。」

侄女:「嗰個男同學都係?」係。

侄女:「爹哋都係?」係。(此時表姐夫瞟了我一眼)

侄女:「你都係?」

我:「唔使擔心,全世界女仔都有危險,你最安全。」

這次差點拉不住。