立場新聞 Stand News

香港服裝設計師自製逾百口罩 紅白藍、大蒜、天眼成素材

2020/8/21 — 12:00

圖片素材來源:edmondkok

圖片素材來源:edmondkok

嗱,幾時都話唔好睇少阿叔。今次呢位阿叔不得了,抗疫期間自家製作咗超過 180 個口罩,連美聯社都訪問佢㗎!只可惜,佢整嘅口罩太特別,多數都係睇得唔用得的。例如:紅白藍尼龍布口罩,相信大家戴五分鐘,已經快要窒息。

呢位阿叔係劇場服裝設計師兼演員郭偉豪,佢自本地武漢肺炎疫情爆發,就開始自製口罩,每個設計都極其浮誇,雖然未必啱我口味,畢竟大叔我走開樸素路線,但我都係欣賞佢嘅創意同毅力的。而且郭偉豪設計嘅口罩會融入節日元素、社會現況等元素。例如今年驚蟄,佢就整咗個紙老虎口罩——「紙老虎任人擺佈,又鐘意認屎認屁,所以七婆戴住開工,定會一反常態好受歡迎,個個都會除鞋應下節!」

乜嘢去到郭偉豪手中,都可以變成口罩,例如張國榮唱片、M記外賣袋、零食包裝、紙杯、大蒜、蒸籠、祝君早安毛巾等等。六四當日,維園晚會雖被禁,但佢就將蠟燭架在口罩上,亮起一點光。上個月,佢仲將「天眼」當口罩,表達港人對中共壓迫、監視嘅恐懼。郭偉豪接受美聯社訪問時話,「我好想將生活中經歷嘅嘢紀錄低」。

廣告

太多苦難發生,但學呢位郭大叔話齋要「苦中作樂」。可能咁樣先有力量繼續撐落去。

廣告
 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

 
 
 
 
 
 
 
 
 
 
 
 
 
 
 

Edmond Kok 郭老爺(@edmondkok)分享的貼文 張貼

發表意見