立場新聞 Stand News

魑魅魍魎點讀 ?

2020/4/22 — 14:21

Photo credit: Stefano Pollio, Unsplash

Photo credit: Stefano Pollio, Unsplash

細細個時,睇唔知乜書見到呢四個字,唔識讀又唔識解,字典又解釋得唔清唔楚,互聯網又未發明,發明維基百科嗰個又未出世,五月天首《沙漠駱駝》又未作典填詞,Google 連條毛都未出,於是抄抵返學校問我中文老師。

中文老師早已習慣我三不五時問啲鬼五馬六嘅中文字,文字來源之類,好耐心教我點讀呢幾個字同解釋意思……

魑魅魍魎 ci1 mei6 mong5 loeng5 其實就係所有小鬼嘅統稱,最早嘅傳說可以追尋到炎黃二帝同蚩尤大戰,傳說黃帝喺阪泉之戰戰勝炎帝後,蚩尤起兵造反,集合咗佢八十一個兄弟、南疆各部族嘅民眾以及魑魅魍魎等鬼怪,同黃帝爭奪天下,結局就係黃帝叫士兵用牛角吹出龍嘅聲音,嚇退咗魑魅魍魎呢班鬼怪,贏得勝利定咗江山地球回復和平!

廣告

所以而家 魑魅魍魎 係用嚟比喻形形色色嘅壞人,平時扮人著人衫講人話,但一到有機會或者大魔王叫到就會死出嚟搞亂世界,要幾肉酸做幾肉酸,舔痔唆癬無所不用其極,務求希望爭番啲甜頭撈番啲油水。

呢幾日睇到咁多人型物體死出嚟努力將曲講成直,將黑講成白,將個龍門搬嚟搬去放左放右,唔知點解忽然諗番中文老師呢段解說。

廣告

只係,仲會唔會有人可以吹响號角,嚇走呢班 XX 呢?

發表意見