立場新聞 Stand News

2017 香港廣告大事及傳媒大事回顧

2018/1/12 — 18:08

#廣告年結:2017 香港廣告大事回顧

一、康文署宣稱佢哋喺香港站花咗百幾萬整、為西九故宮博物館造勢嘅「故宮壁」,唔係廣告而係一個「展覽」。

二、特首選戰, John Tsang 曾俊華 善用社交媒體宣傳,更極具創意地推出眾籌計劃,化捐款為象徵意義上嘅支持票,人氣力壓其餘對手,facebook 專頁喺選戰短短六十七日,狂吸逾28萬Page Like 。

廣告

三、 Huawei Mobile 華為首創於品牌專頁直播曹星如拳賽。

四、 陽光檸檬茶翻拍經典廣告,找來李拾壹飾演鄭伊健原本的角色,引發不少議論。

廣告

五、 NESCAFÉ X 黎明 X 100毛 推出越南咖啡續集廣告,找來「冧仲經理」林夕客串,於facebook 共收獲逾260萬view;品牌更另剪一個特別版廣告於TVB播放。

六、 衛訊 Wilson 推出「要征服全世界?一部手機搞掂晒!」廣告,片中角色造型惡搞侵侵、金仔同普京, 9GAG 轉載引發瘋傳。

七、港鐵推出「日日開心搭港鐵」廣告,畫風疑似向新海誠動畫致敬;角色「黑化」表情引發熱議。

八、 樓上 食好啲推出「搬啦」廣告,表示「樓上報紙廣告現以全新電子面貌再現」,疑似宣告以後不再刊出報紙廣告。

九、 Ctrip (現改名 Trip.com) 搵嚟喺日本層層疊雪糕廣告中飾演「機心女」嘅Ruka ,擔正拍攝「慳!為咗去日本」第一身視角拍攝嘅直度片。

十、 DBS 星展銀行 X 100毛廣告,搵嚟 林嘉欣 Karena Lam 同 專家Dickson主演,Dickson演繹嘅廣告歌《earth vely danger》,更登上各大音樂平台嘅排行榜。

十一、TVB 推出利用劇集角色為客戶拍攝廣告的服務,如利用超時空男臣 Matthew Ho 何廣沛的公公角色,拍攝 KFC 廣告。

十二、trivago 廣告引發致敬潮, L'OCCITANE en Provence、 MediLASE PRO-U 激光脫毛 搵嚟同一男主角 Jeffery Lai 黎學勤 照辦煮碗拍攝精華油同激光脫毛廣告, DBS Black Card (HK) 則搵嚟古天樂惡搞一番,另外 MoneyHero.com.hk 亦以同一format 拍片宣傳信用卡比較功能。

 

#廣告年結:2017 香港傳媒大事回顧

一、《 黑紙》17年一月起不再推出新刊。《黑紙》係《100毛》三位創辦人離開商台後推出嘅首份刊物,並喺推出後獲得明報母公司萬華集團入股,係非常標誌性嘅刊物。停刊後,毛記三位腦細並無就此作出任何宣佈。

二、 壹週刊賣盤,壹傳媒將其出售予黃浩牽頭集團,惟是次交易數度延期,至原本嘅最後期限11月21日仍未完成,結果要待至18年一月初才正式完成香港雜誌業務嘅交易。

三、G-Zone 結業,但香港出現更多ACG 平台,包括壹傳媒的 Fami通(香港),以及主打香港、台灣兩地市場嘅 Hasssh。

四、HK01推出多個facebook專頁,於不同內容領域攻城略地,包括專做人物故事嘅 隱形香港、專攻年青人市場嘅 開罐 等。

五、樂視香港申請清盤,但 LeSports HK 樂視體育照常營運。

六、澳門的 微辣 Manner 於訪問中透露擬於香港設立分部。

七、 辦公室日報x聶瞳、 十萬個激嬲女友的理由、 蕭叔叔英式英文學會 Uncle Siu's British English Club、 花生日報 Peanuts Daily等專頁,於2017年冒起,成為廣告商嘅新寵兒。

八、STAKK大地震,裁走大部份主播及幕後班底,並封鎖香港地區嘅人士進入專頁觀看內容;部份ex-STAKKER 自組新平台,如
WHIZOO、 倆格 OFF-GRID 等,均取得極佳成績。

九、 TVB推出五十週年重頭戲 Big Big Channel 大大平台,開發自家社媒平台,推出麻雀王、打機直播等節目。

十、有線電視易手繼續經營; 亞洲電視 - 你的電視 持「亞洲永恒」嘅精神,宣佈復活。

 

鳴謝: social power 提供部份統計資料
********

想睇到我哋更多嘅內容,你可以:
一、搶先看/see first 我們的 Facebook page內容
二、加入廣告狂人吹水谷:http://bit.ly/29LTjjf 
三、追蹤廣告狂人instagram:http://bit.ly/29vqyIk

發表意見