8 秒短片揭行山團綑邊無安全裝備,女隊員滑落海蝕洞底

【文:朱溫】

9 月 5 日, 網上及 WhatsApp 瘋傳一段 8 秒短片,睇到人人標哂冷汗。短片拍攝時間不詳,地點係一個海蝕洞,見行山隊正穿越其中。突然之間,一名女隊員跣腳跌落洞底海水,相當危險。

我們未能肯定行山隊有無接受過訓練,但就肯定隊員並無任何安全措施,連最基本嘅頭盔、安全繩都無,所以當有人失足,其他人就欲救無從。

好彩有人喺行山群組留言,話:「啱啱睇完《東 X 西 X》話冇撼親頭」,希望佢大步攬過。

綑邊要做足準備

近年「行山綑邊」越來越普遍,去年 4 月有人於萬宜東壩綑邊遇難,有專家亦提醒公眾「不要輕言綑邊」。喺綑邊之前,先做足準備:

  1. 安全、穩妥之攀石、浮潛,以及行山裝備
  2. 接受嚴格訓練
  3. 出行前規劃行程
  4. 留意天氣情況
綑邊需要基本的攀岩裝備,但最重要就是要對攀岩有認識。

參考:【行山安全】萬宜水庫東壩奪命意外 不要隨便綑邊

 

作者自我簡介:生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。

原刊於《Fitz》

編輯推介

    發表意見