Conviction

不易不難的一個字 — conviction。

翻譯成中文，conviction 是「信念」。作比較的話，conviction 比 belief 高一個層次，但又跟 faith 很不同。真係好鍾意呢個字，鍾意到係，每次聽到人講呢個字，我都會醒一醒。但如果要從記憶中找個我記得的人，用過這個字，我只記得三位。

第一位是現在的老細。

「好多人都識得喺個市場尋寶，可能好多十倍概念百倍概念都同你擦身而過。但就算真係畀你買到，又有幾多人會有咁嘅 conviction 去 hold 到十倍先離場？」

她這番話說得很對，用字也準確，從中也看到 conviction 不只是信念。要去到堅定不移，才稱得上是 conviction。

第二位是老母。

「唔好太輕易用個最字，一時又話嗰個地方最靚，呢間餐廳最正。好多人都鍾意將自己嘅 preference 或喜好，elevate 到 conviction 嘅層次，其實咁樣係一種無知。」

盡量避免不犯，但一不留神也會犯這個錯。很多人一口都是牌子，又要這個牌子的包包，又要那個牌子的西裝，然後人家用的不是這個那個牌子就覺得人家不識貨一樣。物質是沒有問題的，但當你讓物質定義你，那便有問題了，而有問題的不是物質，是你。

第三位是她。

零晨五點半開車去寶雲道跑步，有冇試過？我真係試過。

「Yvonne？咁啱嘅？」我講完都打個冷震，三十年前檸檬茶廣告嘅對白，竟然會出自我口。

「你...... 專登走嚟呢度跑步？你唔係住......」

「係，」我沒有等她說完，「想試下新嘢啫。」

她帶點鄙視地笑了笑，便繼續跑了。一路她沒有說話，但我走她的速度太輕鬆，所以不停說話。

停低後。

「跑步真係會上癮，」我說。

「No，唔係 addiction，」她喝一口清水，「係 conviction。」

無論你愛上的是一個人還是一件事，那種愛都可以是一種 conviction。

那當然，並不是所有的愛都是一種 conviction。

當愛去到 conviction 的層次，regardless of the outcome，你都知道是值得的。

作者 Facebook