Kidification

倫敦設計公司 Pearlfisher，上年曾經發咗一次神經，將公司總部一角改建成總共有 81,000 個波嘅白色波波池，並鼓勵公眾預約租場玩埋一份，活動名為「Jump In!」，極受大眾歡迎，有公司試過下晝三點鐘包場喺裡面開會，諗起開開吓會可以潛落波波池底，應該極適合龜縮成性嘅消極型同事。

都市人生活壓力大，「重拾童真」成為一大營銷手法，英文有個好型嘅名，叫「Kidification」。

今年 7 月份，大阪新開了一間話題酒吧，店主嘅經營概念係：『找回失去的童心，大家一起返老還童！』

點返老還童？全間 Bar 無枱無櫈，只有一個放咗 20,000 個波嘅波波池。一眾型男索女置身其中，堪稱「酒波波池肉林」。

IKEA 於 2015 年在法國東部城市 Mulhouse 開新店，也曾經做過一個大型波波池，仲做到標準比賽泳池咁樣，再搵運動員嚟場真嘅「游波比賽」，Literally 波濤洶湧。

相信有好多成年人，內心深處都有低 B 一下嘅衝動。

Marketer 玩童真營銷，就要苦思如何挑起大人條低 B 根。

原刊於作者 facebook