資料圖片來源:TVB 及 其 Youtube 現場直播截圖

TVB 藝人扮姜濤宣傳節目 馮盈盈麥美恩斥「踩場」喊打 阿 Bob 事後道歉

TVB 早前邀請撐警藝人曾志偉回巢任副總經理,王祖藍則擔任「首席創意官」,二人日前同出席宣傳新綜藝節目的記者會,會上有 TVB 藝人模仿 ViuTV 旗下年輕歌手姜濤唱歌,被麥美恩、林盛斌(阿 Bob)、馮盈盈等作勢打罵:「收聲啦!」「你夠膽嚟踩場?打到你變姜蓉!」「打佢!o趙佢!」

片段引來外界批評,阿 Bob 今日在 IG 道歉:「為我一時衝口而出嘅不當說話令人有唔好嘅感受,感到十分抱歉」;馮盈盈則貼出與姜濤的舊合照,稱自己為「追星族」,當日說話只為「努力捍衛姜 B 喺我心目中嘅形象」。

TVB 周三(24 日)舉行「超級綜藝 隆重登場」記者會,邀來藝人逐一介紹即將推出的綜藝節目,回巢的曾志偉、王祖藍亦有出席。曾志偉上台發言稱,推出新節目是「希望同香港市民同步,齊齊了解香港發生咩事…用開心的形式」,「希望大家睇出我哋心意」。

宣傳節目《開心大綜藝》時,先有 TVB 藝人在台上模仿張學友唱歌,眾人歡呼;到另一藝人鄧智堅表演,模仿姜濤唱《蒙著嘴說愛你》及快餐店主題曲,台上麥美恩突衝前作勢掌摑,「收聲啦!」馮盈盈搭嘴:「你夠膽嚟踩場?打到你變姜蓉!」阿 Bob 則喊叫「打佢!o趙佢!」

片段近日在網上廣傳,不少網民質疑 TVB「抽水」、「捧唔起偶像就去踩人真係低俗不堪」,有人稱,這反過來證明 ViuTV 成功。

涉事藝人阿 Bob 今日在 Instagram 道歉,「如果我嘅行為同言論令到任何人唔開心,我衷心同各位講聲唔好意思,對唔住」,又特地向姜濤及其支持者稱,「我為我一時衝口而出嘅不當說話令人有唔好嘅感受,感到十分抱歉。」

馮盈盈則貼出與姜濤的舊合照,以及自己出席 MIRROR 演唱會歡呼的片段,指自己為「追星族」,當日說話只為「努力捍衛姜 B 喺我心目中嘅形象」。但網民對馮盈盈的說法明顯不受落,有人留言稱「真係好撚肉酸」、「公關災難係咪好難拆呢?」

模仿姜濤的演員鄧智堅亦貼出聲明,形容自己「中坑」外形與姜濤有很大分別,所以模仿了一個完全反差的造型,再自嘲自己是「假歌手」,並無冒犯任何人之意圖,若戲仿效果為任何人帶來不快,將作出檢討。

編輯推介

    發表意見