立場新聞 Stand News

監管之人,違法違憲,又如何?

2020/11/19 — 14:16

作者製圖

作者製圖

今日,高院裁定警員唔展示冧把,係違法違憲。合情合理嘅判決,固然值得肯定;但大家覺得,如果街頭抗爭再出現,係現場亂打人亂開槍嘅警察,會唔會因為呢個判決,而聽話 show 冧把?

"Quis custodiet ipsos custodes"

去年街頭抗爭者多次留下呢句拉丁文塗鴉。

廣告

早期,五大訴求之一係「獨立調查委員會」,後期抗爭者主張「解散警隊,刻不容緩」,就係因為明白「監管之人,誰人監管?」嘅道理。

健康嘅社會制度中,警察作為執法者,有槍械同裝備去打擊罪案。但今日香港,呢班武裝份子,恃住絕對武力優勢,屢屢違規濫權。即使法庭作出裁法,黑警置若罔聞,又有邊個可以阻止佢地?法官手執法理同公義,但難道攞住一紙判書,企係渾忘道德與紀律嘅持槍速龍面前,又可以令佢放下屠刀?

廣告

唔係要潑大家冷水,而係要認清個問題嘅癥結 — 呢三萬警員,以及林鄭治下呢個政府,佢地嘅腐敗已經無可挽回。單靠法庭內嘅判決,唔會可以為香港帶黎公義,單單一個「獨立調查委員會」,更加唔夠。

呢個係點解抗爭者要求「解散警隊」,或至少徹底重組警隊,而唔係單單調查。

另一點希望大家會多重視嘅係,Justice Delayed is Justice Denied。

就算今日楊 sir 勝訴,過去一年嘅警暴,冇冧把嘅違規黑警,已經接近無從追究,亦冇人可以還返楊 sir 右眼嘅視力比佢。

我地不能夠只默默等待公義來到嘅一日,因為公義若果遲來,好多嘢都已經返唔到轉頭。所以點解,我地對公義嘅追求,係「刻不容緩」。我唔理大家用咩方法,就算總有人會嘲笑「膠卡打卡,食黃店當抗爭」,總之我地不能停下對公義嘅追求。

作者 Facebook
 

發表意見