立場新聞 Stand News

一蚊交稅、聯署反對警察加薪 是最基本行動

2019/12/13 — 19:09

作者製圖

作者製圖

如果你大廈保安一堆衝入黎你屋企,打爆晒你屋企既家具,仲打到你啲仔女爆晒缸,然後佢話幫你維持家居安穩同秩序,你仲要出錢比佢 OT 錢同加薪,你會唔會覺得好荒謬?

沒錯,香港人現在就面臨咁瘋狂咁荒謬既情境。

香港警察半年 OT 錢近 9.5 億。依個數字對於政府來說無疑係一筆細數目,但我地既特區政府從來係真正公益的服務上都好孤寒,不論醫療、老人、教育、社區、扶貧工作,撥多幾千萬已經係大恩大德。但今次為警察一撥,就係 9.5 億。

廣告

抗爭者成日係現場嗌「警察唔好呃 OT」,其實係錯的,因為咁已經唔係「呃」,而係禁住黎「搶」,而且係用鐵靴、警棍壓住香港人的頭顱去搶。

警察搶完 OT 錢仲唔夠,仲想加薪。警察的人工本來就相當之高,加埋薪更係紀律部隊的薪金之首,可謂絕世荀工。

廣告

政府咁做,為的自然是維穩。

我們喊了解散警隊都有幾個月,警隊不但沒有被解散,反而獲得更多甜頭。

取之於民,用之於民。這麼簡單的道理,政府沒做不得止,還要反其道而行。香港人的錢都被強制徵用,用在慰勞那些打我們頭顱還請食二噁英催淚彈放題的警察身上。

當年梭羅為了抗衡不義之戰,發起不合作運動罷交稅項,因為他不希望自己的金錢用來支持不義之戰。梭羅的罷交稅行動最後成為了公民抗命的典範。香港人又準備好未?

或許我們還未有充足準備發起更大規模不合作運動,但至少不能什麼都不做。一蚊交稅、聯署反對警察加薪,是最基本的行動。

我們還要日夜宣傳警察的惡行,不要讓政府的維穩費增加,不要讓政府那麼輕易用我們的錢來壓迫及打倒我們。

作者 Facebook

(標題為編輯所擬)

發表意見